العودة   منتدى العرب المسافرون الحقيقي > بوابات السفر الى دول أوروبا > بوابة السفر إلى بريطانيا UK وإيرلندا Ireland > بوابة تقارير بريطانيا وإيرلندا السياحية


إضافة رد
 
أدوات الموضوع انواع عرض الموضوع
  #1  
قديم 02-27-2015, 10:12 PM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.20 يوميا
اخر زياره : [+]
افتراضي ملاحظاتي عن اسكوتلند والبحيرات



مرحبا فيكم اخواني واخواتي


اتوقع اني صرت معروفه بالشي هذا أي مكان اروح له لازم اقولكم ملاحظاتي عنه .. واليوم راح اقولكم ملاحظاتي عن اسكوتلند والبحيرات

اول شي راح ابتدي في lake distrect

سكنا في هذا الفندق

Booking.com : بيوت ضيافة Woodlands , ويندرمير, المملكة المتحدة - 114 آراء النزلاء . احجز فندقك الآن!


الفندق مافيه لفت وهالشي يمكن يكون متعب لبعض الناس .. وبخصوص انه خمس نجوم انا اشوف يستحق 3 نجوم مادري من اللي مقيمه ومعطيه 5 نجوم هلكنا مع الشنط لين فوق وبصراحه انخدعنا بالصور توقعناه شي طلع صغير ضيق والغرفه ضيقه ولافيها تكيف .. والحمدالله ان راعي الفندق هو شل شنطتي لين فوق لان وزنها يمكن طن والسرير صغيرررر ماشوفه يصلح حق نفرين النومه فيه مش مريحه ابدا .. ودورة المياه الله يعزكم تخيلو بس المغسله فيها صنبورتين وحده بارده ثلج على اليمين ووحده حاره من قلب على اليسار مافي مكس تعذبنا بصراحه شوي نحترق وشوي نتجمد الوضوء كان جهاد اغسل يدي مره يمين ومره يسار ابدا ماحبيت هالنظام اول مره اشوف مغسله كذا

بس فطورهم كان حلووو والعيله بعد اللي ماسكه الفندق طيبين خدومين وفي حالهم .. ومكانه شوي بعيد عن السنتر مشي يمكن 7 او 8 دقايق لين توصل وبعيد شوي عن البحيرات



وبقولكم شي البحيرات اشوفها عاديه مافيها أي انشطه ولاشي بس قابلوا البحيره وهات يامشي .. لما شفت صورها تحمست قبل لاروح قلت شكلها احلى من زيلامسي وانترلاكن بس بصراحه مافي مقارنه هناك في الف شي وشي اتسونه اما البحيرات مافيها أي شي بس تتنقلون بين المدن المجاوره .. وشفنا باص سياحي يدور في ويندرمير بس ماركبناه قعدنا اندور بالسياره للقرى الثانيه وحول المنطقه اللي سكنا فيها بس .. وكا طبيعه ماعليها كلام روعه والجو يجنن فيها .. الناس اللي تبي بس طبيعه واسترخاء وجو حلوو انصحهم في البحيرات وكبار السن بعد تنفع لهم .. يمكن احنا ماعرفنا نتسيح فيها ونروح حق اماكن حلوه يجوز بعد .. والفنادق اللي هناك اكثرها نظام بريك فاست اند بيد خخخخ يعني لو جعتو فالليل بتكون راحت عليكم مافي شي فاتح والفندق مافيه الا فطور مطاعمهم اتسكر بدري



نجي حق اسكوتلند


سكنا في هذا الفندق
Booking.com : Hotel Missoni , إدنبرة, المملكة المتحدة - 522 آراء النزلاء . احجز فندقك الآن!

قريب الفندق فيه مسجد تمشون له يمكن عشر دقايق تقريبا صلينا فيه يوم الجمعه هاذي ميزه جدا حلووه

الفندق ماعليه كلام بصراحه حلوو وانصحكم فيه للي حاب يروح ادنبره وموقعه جدا استراتيجي في شارع حيوي كله محلات ومطاعم الموقع خطير

مباني اسكوتلند قديمه قديمه قديمه اتحسون يبيلها صبغ يبيلها تعديل لونها بني محترق طاير ماعرف اشلون اوصفها بس اللي راح وشافها بيفهم قصدي لندن مبانيها واجد احسن من ادنبره القديمه

ومن الحين بقولكم الناس اللي لياقتهم صفر لايروحون لان ارض ادنبره مش مستويه يعني وانتو تمشون بتطلعون وتنزلون هم كذا شوارعهم متعبه ... وصوت موسيقتهم طول اليوم راح تسمعونها وشعبها طيب خلوق محد يطالع حد حسيتهم متعودين على اشكالنا وعلى الحجاب.. وشوارعهم ضيقه للي بيسوق وبيتنقل في المدينه وكلها اعمال طرق ماحبينا السواقه فيها حتى شفنا باص سياحي بس قلنا مستحيل نركب بسبب زحمة السير واعمال الطرق .. ومن سوء حظنا من جيناهم كله شمس وهم يقولون انتو محظوظين احنا لنا كم سنه ماجاتنا شمس وعلى حظكم اشرقت الشمس يبشرونا بعد مايدرون ان احنا شاردين من الشمس زهقنا منها ومن حرها


وزوجي كان حاب يشوف حيوان الباندا الله يكرمكم ورحنا حديقة الحيوان قلنا بنجرب شي جديد وممتع كرهت عمري الصعود والنزول في الحديقه على اكثر بعد مش مستويه ابدا ابدا ياانكم تصعدون فوووق او فجاه نزول المشي اتعبني واجد وامبين ان الحديقه قديمه يمكن من 1500 للحين ماطوروها خخخخ وبعد هالتعب قالوا الباندا مش أي حد يقدر يشوفه خخخخ يعني تعب على الفاضي

اسكوتلند يمكن تعجبكم ويمكن اتشوفونها عاديه اما بالنسبه لي انا ماحبيتها ولاكرهتها مافي شعور مادري شنو يسمون هالحاله بس بعد ماندمت على زيارتها وزيارة البحيرات شفت شي جديد حبيت جوها في شهر 6 كان روعه الحراره كانت تقريبا 16 و 17 وفالليل ابرد ..

وعقبال ما اروح العالم كله مع ابو اعيالي سياحه الله يخليه لي ولايحرمني منه اللهم امين


اخر محطه لنا كانت لندن ويالبى لندن بجد تشرح الصدر والواحد مايتملل ولايضيق صدره فيها ابدا ابدا



اسمحووولي على الاطاله واي استفسار انا في الخدمه

مواضيع من نفس القسم:
رد مع اقتباس


  #2  
قديم 02-28-2015, 03:24 AM
فيصل
فيصل غير متصل
عضو
مسافر دائم
 
معلومات العضو
التسجيل: Feb 2015
العضوية: 170
المشاركات: 15,903 [+]
بمعدل : 6.89 يوميا
اخر زياره : [+]
افتراضي

ما يحتاج
شكرا علي الملاحظات
زين اسكتولندا كم يوم جلستم فيها ووين رحتوا

رد مع اقتباس
  #3  
قديم 02-28-2015, 03:24 AM
ناعوس
ناعوس غير متصل
عضو
مسافر متميز
 
معلومات العضو
التسجيل: Feb 2015
العضوية: 7625
المشاركات: 274 [+]
بمعدل : 0.12 يوميا
اخر زياره : [+]
افتراضي

ايش الوصف الحلو هذا !

منطقة البحيرات ، وتحديدا قرية ( وندرمير ) منطقة ريفية بحتة لذا لازم يكون الواحد عارف الشيء هذا قبل ما يروح
منطقة هادية ومكان استرخاء
ما فيها فعاليات تذكر ، ولا صخب ولا حاجة ، اللهم إلا جولة بالسفينة أو تمشية على ضفاف البحيرة ، أو في أزقة وشوارع القرية ، أو التنزه في الغابات المحيطة ، او الاسترخاء بكسل على المسطحات الخضراء المطلة على البحيرة .

لذا لازم نتذكر : البحيرات مكان استرخاء في عمق الريف الانجليزي

أدنبرة ، عاصمة سكوتلاندا ، مدينة تاريخية ضاربة في الزمن
مدينة لا يشابهها غيرها من حيث البيئة وطبيعة الأرض ونمط المباني
المدينة مناسبة لهواة التاريخ والتصوير واكتشاف التراث الاسكتلندي

طبعا فيها مناطق كثيرة حديثة
لكن مركز المدينة مميز بشكل كبير هناك البيوت والشوارع والممرات بشكلها المميز
حينما تنظر للأسفل تجد الشوارع والمنازل والسيارات أسفل منك
وحينما تنظر للأعلى تجد منازل وشوارع وناس رايحة وجاية ،،، فعلا مدينة غريبة

الغريب ان الجو كان مشمس ... أدنبرة كثيرة المطر وغالبا ما تغطيها السحب
الناس هناك كما ذكرت طيبون ....

رد مع اقتباس
  #4  
قديم 02-28-2015, 03:24 AM
عاشق شواطي
عاشق شواطي غير متصل
عضو
مسافر متميز
 
معلومات العضو
التسجيل: Feb 2015
العضوية: 25618
المشاركات: 165 [+]
بمعدل : 0.07 يوميا
اخر زياره : [+]
افتراضي

الحمدلله ع السلامة
يارب كانت سفره حلوه

رد مع اقتباس
  #5  
قديم 02-28-2015, 03:24 AM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.20 يوميا
اخر زياره : [+]
افتراضي

فيصل

شكرا على المرور والتعقيب مديرنا فيصل .. كم يوم جلسنا تقريبا 4 ايام

ووين رحنا في ادنبره .. في شوارعها المعروفه .. وحول الفندق اللي سكنا فيه الشارع حلوو واتوقع هو من اهم شوارع ادنبره .. وفي حيويه في الويكند ورحنا حق القلعه التاريخيه المعروفه نسيت اسمها هي جنب فندقنا قريبه جدا اتروح لها مشي بس متعب الوصول لها لان وانت تمشي بيكون طلوووع لين توصلون وحتى المشي داخل القلعه بعد متعب طلوع ونزول ادنبره كلها كذا وباقي المزارات قصور وقلاع ماعندهم اوبشن واجد .. اللي اكتشفته ان المناطق اللي خارج لندن كئيبه كذا حسيت لندن بس هي ام الوناسه ..

ناعوس

تعرف شنو اللي حارق قلبي اني طرحت استفسار تمنيت حد قالي ان مافي شي غير المشي فعلا مافيها أي شي غير الطبيعه ترى الانشطه حلوه اتسلي الانسان وتغير له جو شوي الزحليقه والمرتفعات على الاقل شي بسيط مانبي شي واجد الوندرمير مافيها أي شي حتى المطاعم عندهم نفس شي تصور المطاعم الهنديه 3 مرات كلنا في اماكن مختلفه نفس الطعم والاكل والتقديم كوبي بيست شي غريب مافي عندهم أي تجديد ماتصلح للشباب ابدا ابدا ابدا ...
شفت حظنا كيف مع ادنبره الكل يقول نادر يجيها شمس وعلى حظنا من جيناها كله شمس هذا حظي اصلا تعودت على هالشي نادر اشوف امطار وجو حلو دايم حظي مع الشمس وفعلا ادنبره شي قديم قديم قديم وبعد ماانصح حد يتعنى لها يكتفون بلندن واجد ابرك وامتع الوناسه في لندن اكثر
شاكره لك المرور والتعقيب

عاشق الشواطئ

الحمدالله كانت سفره جميله خصوصا لما رحنا لندن هنا بدت تحلو وحسيت نفسي مسافره .. بس مب اجمل من سفراتي اللي قبل اتمنى ربي يرزقني بسفره اجمل عن قريب قولوا امين

رد مع اقتباس
  #6  
قديم 02-28-2015, 03:24 AM
عاشق شواطي
عاشق شواطي غير متصل
عضو
مسافر متميز
 
معلومات العضو
التسجيل: Feb 2015
العضوية: 25618
المشاركات: 165 [+]
بمعدل : 0.07 يوميا
اخر زياره : [+]
افتراضي

اميين

بس نصيحة جربي اما سويسرا او المالديف
انا وجهتي القادمة المالديف وقاعد اجمع عنها معلومات
وسويسرا باذن الله قريب

رد مع اقتباس
  #7  
قديم 02-28-2015, 03:24 AM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.20 يوميا
اخر زياره : [+]
افتراضي

عاشق الشواطئ

سويسرا عشقي الابدي شفت دول كثيره بس مثل سويسرا عمري ماشفت ولاراح اشوف احبها من كل قلبي وربي لويحصل لي اعيش هناك اوافق بدون تردد .. الله يحقق لنا امنيتنا انا وابو اعيالي ونمتلك بيت هناك

والمالديف اخاف لارحت لها يصير لي نفس اللي صارلي في وندرمير اقعد بس كذا مافي لاشغل ولامشغله احب المكان اللي فيه حيويه وطبيعه وتجوال مب بس مشي .. ننتظر تقريرك لاجيت علشان انشوف بنتحمس لها او لا .. والله يكتب لكم اجمل سفره


شكرا لك

رد مع اقتباس
  #8  
قديم 02-28-2015, 03:24 AM
bufahad
bufahad غير متصل
عضو
مسافر متميز
 
معلومات العضو
التسجيل: Feb 2015
العضوية: 121
المشاركات: 167 [+]
بمعدل : 0.07 يوميا
اخر زياره : [+]
افتراضي

الف شكر لك على هذه الملاحظات والنصائح

رد مع اقتباس
  #9  
قديم 02-28-2015, 03:24 AM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.20 يوميا
اخر زياره : [+]
افتراضي

بوفهد

العفو وشكرا على الكومنت

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 01:19 AM.


بدعم من vBulletin
الحقوق محفوظة لـ ©2000 - 2021، Jelsoft Enterprises Ltd


Search Engine Friendly URLs by vBSEO 3.6.1