العودة   منتدى العرب المسافرون الحقيقي > بوابات السفر الى دول أوروبا > بوابة السفر الى دول أوروبا الأخرى > بوابة تقارير دول أوروبا السياحية


إضافة رد
 
أدوات الموضوع انواع عرض الموضوع
  #1  
قديم 01-13-2017, 10:47 PM
Am1
Am1 غير متصل
عضو
 
معلومات العضو
التسجيل: Jan 2017
العضوية: 109864
المشاركات: 1 [+]
بمعدل : 0.00 يوميا
اخر زياره : [+]
افتراضي رومانيا بعيون إماراتي



السفر إلي رومانيا
طبعا حبيت اكتب موضوع بسيط عن هذه الدولة لقله المعلومات الي لقيتها عنها
السفر كان عبر فلاي دبي من دبي الي بوخارست حوالي 5ساعات ونص سعر التذكرة من 1000 درهم فما فوق علي حسب الموسم
انا سافرت نص شهر واحد 2017
البلد كانت بارده ثلج طبعا لازم تاخد احتياجاتك من الثياب
الثلج طبعا بيخليك تتحرك بصعوبة لأن الدنيا والشوارع أغلبها ثلج يفضل تسير في وقت مايكون فيه ثلج
السيارات سكان يسار نفس الخليج
أسعار السيارت الصغيره الإيجار حوالي 60 يورو مع تأمين شامل واكرر انتهوا يااخوان لاتسوق في الثلج إذا من متعود
طبعا السياره تسحب معاك أحيانا
الشعب في حاله والأغلب يتكلم انجليزي ويوم تسأل حد يحبون يجاوبون ويقولون الي يعرفونه
العمله هي اللي تعادل 1 ليي يساوي درهم إماراتي أو أقل بشوي
التصريف
خذ معاك يورو أو دولار وحول لعملتهم لأن أغلب المحلات مايتعاملون إلا بعملتهم
عن فرق الصرف مايكون كثير والصرافات موجوده بكثره صح انها دولة شنقن بس ماعرف مايحبون اليورو وايد

طبعا السكن حاول تسكن في قلب بوخارست
فندق الانتركونينتال أو الراديسون أو الفنادق القريبه منهم علي حسب ميزانيتك أغلب الفنادق جنب ها الفدقين ومحلات كثيره جنبهم والمترو بعد
نوعيه الحياه البلاد طبعا أوربية وتعتبر من أكثر البلدان الاوربيه الي فيها انديه قمار يسمونها لأس فيجاس الشرق وطبعا الأمور الثانيه موجوده يعني مش عائليه كثير للإخوان المحافظين المطاعم الحلال موجوده ولاكن قليله بس الله يعلم كاتب حلال برع والي يشتغلون مالهم خص في الحلال
الجو العام للسهر والمقاهي
طبعا أغلب المطاعم والمقاهي تقدم الخمور
الأمان الي الحين جيد لاني ماتعرضت لأي موقف طبعا بالليل يفضل انك تنام من وقت لأنه أجواء سهر عندهم يعني من 9 أو 10 نام إذا مالك في السهر لأن أغلب الأماكن مابتعجب الإخوان المحافظين
المناطق الثانيه عندك براشوف وفيها قلعة دراكولا بس بعيده شوي من 2 ونص الي ثلاث ساعات الروحه بس طبعا مابتحس بجمال الطبيعه لأن الدنيا ثلج فكل شي ابيض
الخلاصه الانطباع العام عن الدوله
الأسعار طبعا كانت فتره تنزيلات
فاشوف أسعار السلع مقاربه لدبي
والحياه جيده مش غاليه وسط
الجو العام جيد بس ياغريب كون أديب
طبعا امشي وانت مبتسم بتشوف البلد حلوه
لكل إنسان في قلبه نيه فأحسن النيه ترا كل شي جميل
م انصح الإخوان المحافظين طبعا الحجاب عادي بس بعد لهم نظره
طبعا بغيت أوضح بعض المعلومات الصغيره قبل ما انهي التقرير
ممكن حد يشوفها عادي وممكن تهم ناس غير
الحمامات عندهم نظام انجليزي الأغلب بدون شطاف
لاتعبر غير من أماكن عبور المشاه
سعر النقل من المطار الي المدينه حوالي 10 الي 15 يورو
طبعا التكسي عداد بس بعضهم نصاب يحاول يطول الطريق يأخذ لفه طويله
التكسي اول ماتطلع من مطار هنري في اجهزه صفرا فيها يمكن عشر شركات تكسي
الفرق نوع السياره وقيمة العداد لكل كيلو متر
كله مسجل خذ سياره عاديه كله نفس الشي المهم سياره توصل الهدف
طبعا يوم تأخذ التذكرة يكون فيها رقم سياره التكسي اطلع برع باب المطار بتشوف الرقم علي التذكرة هو الرقم الجانبي للسياره الي بتوصلك
المسافه من المطار الي قلب العاصمه بوخارست تقريبا أقل من 25 كيلو وسعر العداد تقريبا 1وشوي بعملتهم
الانترنت للموبايل في المطار تقريبا 12 جي بي 55 ليي حوالي 50 درهم إماراتي وبرع المطار أقل بس لازم تدور يعني بتطلع عليك الشغله أكثر من الفرق
دايما للأمان لاتاخذ معك مبالغ كثيره وانت تتمشى ولا تبين انك راهي خلك بسيط
الاخوان الي مايحبون يغامرون و يبغي سايق مع السياره شوف اي مكتب سياحي مضمون يكون عندهم متوفر
طبعا في سيتي تور مجاني مدته ساعتين مشي الي يبغي يجرب اطلب خريطة المدينه من الفدق فيها المعلومات
طبعا سألت عن السيتي تور الي بفلوس وسياره قالو احين برد ومب موسمه
وفي النهايه اتمني لكم الاستفاده من الموضوع
ولكم أجمل تحيه

مواضيع من نفس القسم:
رد مع اقتباس


  #2  
قديم 01-14-2017, 12:01 PM
فاطمة
فاطمة غير متصل
مشرفة بوابة المغرب
 
معلومات العضو
التسجيل: Mar 2015
العضوية: 96454
المشاركات: 8,430 [+]
بمعدل : 3.60 يوميا
اخر زياره : [+]
افتراضي

حياااك اخي الكريم ومرحبا بك في المنتدى

تقرير رااائع و معلومات قيمة

يعطيك العافية

رد مع اقتباس
  #3  
قديم 03-12-2017, 12:49 PM
emiratesforever
emiratesforever غير متصل
عضو
 
معلومات العضو
التسجيل: Mar 2015
العضوية: 96575
المشاركات: 4 [+]
بمعدل : 0.00 يوميا
اخر زياره : [+]
افتراضي

السلام عليكم ورحمة الله وبركاته .. جزاك الله خير على التقرير الطيب

بغيت أسأل رومانيا تحتاج فيزا للاماراتين ؟

رد مع اقتباس
  #4  
قديم 07-14-2017, 01:39 AM
عيناوي قديم
عيناوي قديم غير متصل
عضو
مسافر جديد
 
معلومات العضو
التسجيل: Feb 2015
العضوية: 24015
المشاركات: 14 [+]
بمعدل : 0.01 يوميا
اخر زياره : [+]
افتراضي

لا لاتحتاج

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 09:01 PM.


بدعم من vBulletin
الحقوق محفوظة لـ ©2000 - 2021، Jelsoft Enterprises Ltd


Search Engine Friendly URLs by vBSEO 3.6.1