العودة   منتدى العرب المسافرون الحقيقي > بوابات السفر الى دول أوروبا > بوابة السفر إلى بريطانيا UK وإيرلندا Ireland


إضافة رد
 
أدوات الموضوع انواع عرض الموضوع
  #1  
قديم 02-27-2015, 10:17 PM
Shahod
Shahod غير متصل
عضو
 
معلومات العضو
التسجيل: Feb 2015
العضوية: 40111
المشاركات: 4 [+]
بمعدل : 0.00 يوميا
اخر زياره : [+]
افتراضي جدول منظم للاماكن السياحية في لندن



السلام عليكم ورحمة الله وبركاته
والصلاة و السلام على اشرف الانبياء والمرسلين سيدنا محمد وعلى اله وصحبه اجمعين

بالبدايه اشكر كل القائمين على هذا المنتدى الرائع من اعضاء ومشرفين و اخص بالشكر غردينيا الله يعطيها الف عافيه موضوعي مقتبس منها ولكن فيه بعض التعديلات من اضافات و تنقيصات ومرتب على شكل جدول ليكون اسهل للطباعه والاستفاده منه بشكل عملي وهذا الموضوع نزل بعد رجوعي من لندن من باب رد الجميل لهذا المنتدى الرائع راجيه من الله الاجر و اتمنى منكم خالص الدعاء
حبيت انبه انه هذا الجدول خالي من مدن الملاهي الترفيهيه و من المطاعم والمزارع وبعض المتاحف

وانه يحتوي على الاماكن السياحيه وساحات التجمعات وقصور و اسواق وبعض المتاحف وعلى منطقة ساحلية خارج لندن Bournemouth

والجدول يضم اسم المكان ونبذته ومحطة المترو واللاين الموصل له في الاندرجراوند

الجدول منزل على ملف word في ميديافير على هذا اللنك
http://www.mediafire.com/?ax8g18g88g5y8gq

وحبيت اضيف هذا هذا اللنك فيه موقع مكتوب فيه الشوارع الرئيسيه مثل الاكسفورد والريجنت ستريت والمحلات الي فيه و المحطات القريبه من هذه الشوارع
كان لي مرجع رائع ومفيد دلني على مواقع المحلات في هذه الشوارع الكبيره
http://www.streetsensation.co.uk/

ملاحظات للسفر :
* يفضل حجز تذاكر كل شي عن طريق النت مسبقا من الفنادق والخطوط والقطارات الى الاماكن السياحيه خاصه متحف الشمع و لندن اي لانه عليها طوابير طويله

* جو لندن اليومي يمر على الفصول الاربعه ممكن الصباح الجو معتدل العصر ماطر الليل بارد والعكس لذا يجب ان يكون معك احتياطاتك مثل مظله والجاكيت وطبعا المويه وبالنسبة للمويه انك تشتري طرزن من السوبر ماركت اوفر لك بكثير من الحبه

* بالنسبة لتحويل العملات هذا الشي ما تاكل همه في لندن لانه موجود في كل مكاان تلاقي Change ولكنهم نصاابيين عشان كذا انك تصرف من الرياض عند المطار او بالبطحا او في انجاز اوفر لك بكثير لانهم يبيعونك العمله بسعر غالي وفوقها ياخذون 12% بالميه عموله انا حولت في اكسفورد وندمت مررره حولت من يورو لباوند و راحت علي 500 ريال تقريبا ولكن مره حولت من محل في محطة اندرجراوند نايت بريج عند هارودز واخذو مني 3% عموله اهون شوي فا لمما تضطر تصرف تأكد كم ياخذون نسبة عموله ولا تتسرع خاصه اذا المبلغ كبير

* قبل ما تطلع لاي مشوار اول شي تأكد من مواعيد العمل لان المتاحف اغلبها تسكر بدري والاسواق بعد ويختلف في الاحد والاثنين انا مو كاتبه كل مواعيد العمل لاني مو متأكده لكن كل مكان له موقع في الانترنت ممكن تدخل وتشوف متى اوقات الدوام

* بالنسبه للمواصلات فا عندك يا تستأجر سياره او تعتمد على التكاسي وهي مكلفه جدا ويبيلها ميزانيه خاصه انا انصح بالباصات وبالمترو الي هو قطار الانفاق (الاندر جراوند ) فيه ناس يظنون انه صعب لكنه العكس مترو وباصات لندن منظممه بشكل حلوو و وااضحه جداا لكن اذا كنتو كثيرين او معكم اطفال فا ما انصحكم بالمترو واذا جيتو تشترون تذاكر للمترو تأكدو انها شامله للاندرجراوند والباصات و الريل ان احتجتوه لو كانتو رايحين لمنطقه بعيده شوي و مافيها محطة اندر جراوند ما اظن رح تحتاجونه

وبالنسبه للتعامل مع الباصات فهي تنفع تستخدمونها اذا كنتم بتروحون مكان قريب يعني من الاكسفورد للبيكادلي او من بداية الاجوا رود للاكسفور يعني اشيا زي كذا حلو انك تستخدم الباص ولكن اذا المكان بعيد فا الاندرجاوند اسرع لك لان الباص مشواره طويل

وطريقة الباص وهو انك تروح لاقرب باص ستوب وتشوف الباصات الي توقف فيها وايش المحطات الي تروح لها وترا فيه بعض الباصات 24 ساعه وفيه ما تشتغل كل اليوم فا تأكد و اذا كنت تبي محطه معينه و مالقيتها فيا تكون بعيده فا لازم تبدل باصات بالاستعانه بالخريطه او ممكن تقطع الشارع وتروح الباص ستوب في الرصيف المقابل وتشوف ايش المحطات الي بيروحون لها الباصات الماره من عندك لانه يكون اتجاه معاكس زي الاندر جراوند شي جاي وشي رايح و عموما انت اذا شفت اللوحه اللي عند الباص ستوب بتفهم الطريقه ولو سألت الانجليز متساعدين ومارح يقصرون معك والعرب بعد كثير هناك ممكن يفيدونك

* وترا اسماء محطات الباص ستوب نفس اسماء محطات المترو يعني نفس الموقع

اما بالنسبه للاندر جراوند فهو سهل جدا كأنه لعبه كل ما عليك انك تححد مكانك بالخريطه بعدين تحدد مكان الموقع الي بتروح له وتشوف ايش اقرب لاين يوصل وتشوف لونه بعدين ترجع تشوف اسم اللاين جنب اللون آخر الخريطة و رح تلقى اللافتات اللي تدلك على اللاين في كل مكان في المحطة ولما توصل للمترو بتلقى ثنين على نفس اللاين لكن واحد رايح و واحد جاي وتلقى لوحه جنب كل واحد دور فيهم وين محطتك المقصوده واركب المترو المناسب و طبعا احيانا تحتاج تبدل المترو اذا كان مافيه لاين يوصل دايركت من موقعك الى الموقع المقصود زيارته وبس اتمنى شرحي يكون واضح

اقتباس من اختي غاردينيا
تنوية :
1 - الهدف هو زيارة المعالم السياحية القريبه من بعضها لتوفير الوقت .
2 - ليس بالضروره تحقيق جميع الأهداف المخطط للوصول اليها في اليوم الواحد .
3 - أن تحقيق هدفين باليوم كافي لتحقيق المتعه وكفيل بقضاء أوقات ممتعه .

لا تنسونا من الدعاء واي سؤال انا جاهزه ويسعدني تقيماتكم

مواضيع من نفس القسم:
رد مع اقتباس


  #2  
قديم 02-28-2015, 02:25 AM
UAE0
UAE0 غير متصل
عضو
مسافر متميز
 
معلومات العضو
التسجيل: Feb 2015
العضوية: 5733
المشاركات: 269 [+]
بمعدل : 0.27 يوميا
اخر زياره : [+]
افتراضي

شكرا عمل جميل ورائع ..

بيفيدني كثير في السفره الجايه ..

جزاك الله خيرا اختي الكريمه ..

رد مع اقتباس
  #3  
قديم 02-28-2015, 02:25 AM
غردينيا
غردينيا غير متصل
عضو
مسافر متميز
 
معلومات العضو
التسجيل: Feb 2015
العضوية: 10376
المشاركات: 243 [+]
بمعدل : 0.24 يوميا
اخر زياره : [+]
افتراضي

وعليكم السلام ورحمة الله وبركاته
بالبداية أشكرك عزيزتي وماشاء الله أول مشاركه لك وبدايه قويه %
والحمدلله أن الموضوع نال اعجابك وأستفدتي منه
والله هالشي أسعدني كثير
والحلو أنك كتبتي ذلك بعد رجوعك من السفر
وبسألك بخصوص جدول أرقام الباصات هل أستفدتي منه ؟
كثير من الناس سألوني عن الأوراق الي بأيدي لما كنت بلندن
ويقولون لي من وين جايبتها
أرد عليهم وببراءة من النت ها ها ها
بديت حالياً في كتابه تقرير عن لندن ولكن يختلف عن
هذا الموضوع من نواحي عديده
جمك الله برضى الرحمن

رد مع اقتباس
  #4  
قديم 02-28-2015, 02:25 AM
Shahod
Shahod غير متصل
عضو
 
معلومات العضو
التسجيل: Feb 2015
العضوية: 40111
المشاركات: 4 [+]
بمعدل : 0.00 يوميا
اخر زياره : [+]
افتراضي

UAE0
العفو ولو تستاهلون اكثر والله ويسعدني كثير انه بيفيدك اتمنى لك رحله سعيده

غردينيا

اهلا وسهلا اخت غاردينيا والله انا اللي لازم اشكرك بصراحه كفيتي و وفيتي وفعلا موضوع ساعدني كثير الله يجزاك الف خير

وبالنسبه للجدول حق ارقام الباصات بصراحه انا طبعته وما كنت فاهمه الطريقه بالبدايه قلت لما اوصل افهم
وبعدين لما وصلت وشفت اللوحات على الباص ستوب فهمت الطريقه وبصراحه ما استعنت بالجدول

لان ارقام الباصات والمحطات الي تمر عليها كلها مكتوبه على اللوحات في كل باص ستوب فا ما احتجت الورق

ننتظر جديدك طبعا بعد موضوعك هذاك اثبتي جدارتك فعلا كان موضوع مفيد ومتعوب عليه وننتظر الافضل منك دائما وشكرا لوجودك ومساهمتك الرائعه

وبالتوفيق للجميع

رد مع اقتباس
  #5  
قديم 02-28-2015, 02:25 AM
Shahod
Shahod غير متصل
عضو
 
معلومات العضو
التسجيل: Feb 2015
العضوية: 40111
المشاركات: 4 [+]
بمعدل : 0.00 يوميا
اخر زياره : [+]
افتراضي

المعذره مادري حسيت اني ما وضحت طريقة الباص كويس

كل باص ستوب يكون فيها لوحه مكتوب عليها ارقام الباصات وكل باص يمر على محطات معينه

فا انت لما تجي توقف عند هذي اللوحه تروح تدور المحطه الي تبيها بعدين تشوف كم رقم الباص الي يمر على المحطه الي تبيها و غالبا يصير فيه اكثر من باص يمر على محطه معينه فا ممكن مثلا انك تبي تروح للاكسفورد سيركس ممكن تلاقي باصين او ثلاث باصات يمرون على هذي المحطه

ويكون مكتوب عند كل رقم باص اوقات وصوله حسب ايام الاسبوع يعني مثلا فيه باص يجي بين كل 6 - 10 دقايق وفيه اقل وهكذا واغلب الباص ستوب يكون فيه اللوحه الالكترونيه ويكتبون كم باقي ويوصل الباص على حسب رقمه طبعا

كل شي هناك مرتب ومنظم لا تاكل هم شي في لندن تنقلاتها واضحه وسهله

رد مع اقتباس
  #6  
قديم 02-28-2015, 02:25 AM
FaHaD.
FaHaD. غير متصل
عضو
مسافر جديد
 
معلومات العضو
التسجيل: Feb 2015
العضوية: 3440
المشاركات: 48 [+]
بمعدل : 0.05 يوميا
اخر زياره : [+]
افتراضي

اشكرك اختي الفاضلة ,.

على هذا الموضوع الجميل الذي ذكرتي فيه نقاط مهمة ,.

بداية قووية ومنتظرين جديدك ,.

رد مع اقتباس
  #7  
قديم 02-28-2015, 02:25 AM
فيصل
فيصل غير متصل
عضو
مسافر دائم
 
معلومات العضو
التسجيل: Feb 2015
العضوية: 170
المشاركات: 15,903 [+]
بمعدل : 15.98 يوميا
اخر زياره : [+]
افتراضي

شيء راشع أختي
ما قصرتي وجزاك الله خير

رد مع اقتباس
  #8  
قديم 02-28-2015, 02:25 AM
Shahod
Shahod غير متصل
عضو
 
معلومات العضو
التسجيل: Feb 2015
العضوية: 40111
المشاركات: 4 [+]
بمعدل : 0.00 يوميا
اخر زياره : [+]
افتراضي

FaHaD.

العفوو اهم شي استفدت وهذا المطلوب و اسعدني مرورك

فيصل 2006

يسعدني انه نال على اعجابك الله يجزي الخير للجميع وياك يارب

رد مع اقتباس
  #9  
قديم 02-28-2015, 02:25 AM
Mr liverpool
Mr liverpool غير متصل
عضو
 
معلومات العضو
التسجيل: Feb 2015
العضوية: 80747
المشاركات: 3 [+]
بمعدل : 0.00 يوميا
اخر زياره : [+]
افتراضي

الله يعطيك العافية ..
والله وفرتي علي و شلتي هم كبير لاني ناوي اروح لندن بعد اسبوعين و ادور اماكن سياحية في لندن ..
بس عندي سؤال ، خريطة الاندرغراوند وين ممكن احصلها ؟

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 06:50 PM.


بدعم من vBulletin
الحقوق محفوظة لـ ©2000 - 2017، Jelsoft Enterprises Ltd


Search Engine Friendly URLs by vBSEO 3.6.1