العودة   منتدى العرب المسافرون الحقيقي > البوابات العامه > بوابة الجـزر


إضافة رد
 
أدوات الموضوع انواع عرض الموضوع
  #1  
قديم 02-27-2015, 08:12 PM
HADiAl-Shahwani
HADiAl-Shahwani غير متصل
عضو
 
معلومات العضو
التسجيل: Feb 2015
العضوية: 9240
المشاركات: 2 [+]
بمعدل : 0.00 يوميا
اخر زياره : [+]
افتراضي جزر المــالديف ... بعدسة HADi



السلام عليكم



حبيت انقل لكم تجربتي في سفرتي الاخيرة .. الى جزر المالديف .. وعذروني على بعض
الصور لاني مافكرت اسوي تقرير الا في نص السفره .. وبديت اجمع الصور الى كانت من اكثر من كاميرا
وفي الحقيقة جزر المالديف من الاماكن الي كنت اتمنى ازورها من زمان .. ولكن ماسمحت الفرصه ..
المهم لما قررت ازور الجزره هالمره وعزمت ..
وطبعاً كنت استشير الشباب ..
وياكثر الاراء السلبيه .. مثل
غاااااااااااليه ..
بتملل

لا تحسب المالديف مثل الصور البحر صافي والسما زرقه



بس قلت انا خلاص عزمت على الروحه وخاصه الي انتقدوا ماعمرهم راحوا ولا جربوا
توكلت على الله وبديت ابحث في النت عن الفنادق والجزر ومعلومات عن المالديف



عرفت ان المالديف دولة اسلامية وهي عباره عن مجموعة جزر تقريبا 1190 جزيرة
عاصمتها مالي

بعض الجزر يسكنها سكان المالديف والبعض منها عليها فنادق وهي الاماكن السياحية
وفي الغالب كل فندق حاجز له جزيره

وخططت على 8 ليالي لشخصين
4 ليالي في فندق الفور سيزون
و4 ليالي في فندق الدبليوو
وحجزت كل شي وتوكلت على الله :victory: في تاريخ 3 /10 /2010
توجهت للمطار وانا بشوق للوصول لجزر المالديف
مدة الرحلة 4 ساعات تقريباً

تعشيت في الطياره

ورقدت لاني كنت مرهق وابي اوصل بسرعه وكون نشيط
:strong3:
فتحت عيني الكل نايم

بس اشعة الشمس طلعت وطار النوم ابي اطل وشوف شلون الجوو

طليت وشفت الجوو والغيوم يالله طار النوم صح




وشوي بدت تبين الجزر


واعلن بدء النزول التدريجي :nice:

والحمدالله وصلنا بسلام الى مطار ماليه



انزل من الطياره وروح مشي للمطار المسافه خطوات

صورة من داخل المطار


المهم خلصنا الجوازات واول ماطلعنا حصلت شخص في يده لافته مكتوب عليها
HADi
توجهت له وكان من فندق الفور سيزون رحب فينا واستلم الشنط
وقال حياكم معاي .. لحد ماوصلنا للقارب السريع الي بينقلنا لجزيرة الفندق


ركبنا وقدموا لنا عصير وماي ورحبو فينا طاقم الطراد وقالوا لنا ان الطريق يحتاج نص ساعة

وفي الطريق كنت اشوف مناظر جميله وجزر كثيره لحد ماقال وصلنااا ..





اسقبلنا واحد واهدانا باقة ورد .. وتوجهنا للوبي



خلصنا معاهم وقالوا لنا بنعطيكم عرض والي اهو اب قريت على الواتر فيلا مقابل كل ليلة 300 ريال
وانا حجزي كان
Sunrise Beach Bungalow with Pool
الي اهي جناح على الشاطىء مع بركة خاصة .. على منظر الشروق
قلت له بفكر .. وقلت في بالي بقعد يومين وبغير
المهم وصلوني للفيلا الي كنت حاجزها وهذي صوره من الخارج



وهذي صورة للغرفة


وهذي للبانيو وللمغاسل




في هذي الصورة موضوح مكان الشور الخارجي



وهذي صوره من الغرفة على المنظر الجارجي وبركة السباحة







صورة للغرفة في الليل




وهذي بعض الصور العامه للجزيره












هذي الفلل الي على البحر .. والي مثل ماقلت لكم عطوني عرض عليها بس مانويت اسكنها
لان الفيلا الي انا فيها شفتها افظل قريبه من المطاعم وفي نفس الوقت السيف عاجبني









بركة السباحة العامه


هذي صوره التقطتها وقت الشروق




وهذي من الجزيره





هذي الصوره عباره عن بطل مشروب عنب .. كانوا حاطينه لنا هديه في الغرفة مع كيكه

في البداية ضنيت انه خمر بس طلع مجرد عصير .. بعد ماخلصته صورة هالصوره





وهذي وقت الشروق من الشاطىء امام الفيلا



وهذ لاحد النشطه على الجزيره


بحثت عن المزيد من الانشطه والفعاليات
قالوا في جزيره قريبه يسكنها السكان المحلين .. قالت حلوو لازم ازورها
ورتبت مع الفندق وجهزوا لنا الطراد مرشد سياحي



وتقريباً تبعد 10 دقائق من موقعنا اسمها اذا ماخب ضني Buda Huraa

وصلنا الجزيره وكانت جزيره صغيرة عدد سكانها مايتعدون 900 شخص وطبعاً كلهم مسلمين
لما يشوفونا يسلمون ويبتسمون

صور من الجزيره




من احياء الجزيره














هذي صورة لبير حافرينه للوضوء واهو امام مسجد



انتهت الجوله في الجزيره الى استغرقت تقريباً ساعة

بعدها رجعنا للفندق


وخلصت الاربع ليالي وكنها يوم واحد
خدمة الفندق كانت ممتازه .. وكانوا حاطين لنا سجادات لصلاه و اوقات الصلاه
وبعد سوو لنا عشى على البحر وقت الغروب كاهديه منهم
تقيمي للفندق 10 على 10 :nice:

مواضيع من نفس القسم:
رد مع اقتباس
  #2  
قديم 02-28-2015, 02:29 AM
HADi Al-Shahwani
HADi Al-Shahwani غير متصل
عضو
 
معلومات العضو
التسجيل: Feb 2015
العضوية: 81624
المشاركات: 9 [+]
بمعدل : 0.01 يوميا
اخر زياره : [+]
افتراضي

والحين جا دور الفندق الثاني والي اهو W
وكان لازم ارجع للمطار حتى انتقل لجزيرة فندق الدبليوو
طلعت من الجزيره وهذي صورة الوداع



وصلنا المطار وحصلنا وحده تنتظرنا من فندق W خذت منا الشنط على شان تدخلهم الشحن
لان الجزيره بعيده وتحتاج الى ركوب الطائره المائيه ..
وخذتنا الى غرفة الانتظار الخاصة بالفندق


وهذي صورة قاعة الانتظار من الخارج


القاعه من الداخل مرتبه وفيها بوفيه صغير وانترنت جلسنا ننطر لحد ماقالوا لنا يالله الطياره جاهزه وكانوا في ناس معانا




وركبنا الطياره والصراحه كنت احاتي هالموقف :secret:


ثم الاقلاع




تقريباً خذينا نص ساعه والصراحه كانت ممتعه منظر الجزر من فوق شي خيالي

وهذي جزيرة W بينت وقربنا منها


طاقم الفندق ينتظرنا ويرحب فينا قبل الوصول



وصلنا


وقام طاقم الفندق بستقبال القادمين .. قدموا لنا عصير وبعدها ركبنا سياره صغيره خذوا فينا لفه على الجزيره وعرفونا على مرافقها


وهذي الصوره عباره عن كشك صغير يحتوي على بعض المشروبات البارده والاسكريم
وهو مجاناً لنزلاء الفندق .. عدد الكشكات 6 موزعه على الجزيره .... طحت فيها :victory:



بعد ماخلصنا الجوله قالوا لنا الجك ان الساعه 2 ..والحين لساعه 12 تمشوا في الجزيره لحد ماتجهز غرفتكم
كان عندنا عدة خيارات اما الانتظار في الوبي او التمشي واستكشاف الجزيره اكثر
او الذهاب الى مكتبة الجزيره فيها انترنت وبليارد ..الخ
رحنا نتمشى





بعد تقريباً ساعه .. وحده من الفندق كانت تدورنا في الجزيره .. ولما حصلتنا قالت غرفتكم جاهزه..
ركبنا معاها متجهين للواتر فيلااا ..:nice:





وهذي صور الفيلا من الداخل ..


المنظر الخارجي من غرفة النوم

جانب آخر من الغرفة

وهذا من امام الفيلا في بركة السباحة الخاصة المزوده بنظام الجاكوزي :thumbup:


هذا المنظر وقت الغروب والاضاءه في البركة


لقطات آخرى للجزيرة





لو تدققون في هذي الصوره .. راح تشوفون جزيره تبعد 10 دقاق في الطراد


هذي الجزيره قالو لنا تقرون تاجرونها مدة 4 ساعات او 8 ساعات ..
نتركم فيها بروحكم او اذا تحبون ..
اممممممم الصراحه حسيت انها تستحق التجربه .. رتبنا لها وحجزنا على ثاني يوم مدة 4 ساعات من الظهر الى المغرب وطلبنا يحطون لنا خضروات مع سندوشات
اتصلوا فينا وقالوا يالله الطراد ينظركم على شان ينقلكم لجزيرتكم الخاصه


ركبنا الطراد وكلها كم دقيقه حتى وصلنا للجزيره





men2:



نزلونا وعطونا جوال قالو لنا اي وقت تبون شي اتصلوا بنجيكم على طول .. :telephone:
قالت لهم شكراً .. ويالله باااب بااي ..
ابي اتفقد الجزيره
الجزيره مساحتها متوسطه مثل ما شفتوا في الصوره .. وفيها عدد من انواع الاشجار
ونخيل جوز الهند .. الي طحت فيه في البدايه







عدة المغاوص

والعده فري من الفندق طول وقت الاقامه

والحين وقت السباحه ..


والصراحه فرق كبير بين بحرنا وبحرهم حسيت نفسي اسبح في عوض سباحه من كثر السمك
والشعب المرجانيه














حتى قبقبهم غير :spider:



بعد السباحه الاكل





وخلص الوقت كانه فقط ساعه

رجعنا للجزيره مع الغروب





بعدها على حجزي كنت حاجز اخر يومين على فيلا على البحر كا نوع من التغير
وهذي صورها



صورة الفيلا



امام الفيلا .. بركه خاصه مع جاكوزي

الفيلا عباره عن طابقين

في الطابق العلوي عباره عن جلسه مرتفعه على شكل مرجيحه

المنظر من الطابق العلوي


وهذا امام الفيلا على السيف










في صباح اليوم الخامس من ليالي جزيرة W
وصلت الطياره الي راح تنقلنا الى المطار :weeping:



وبااااي بااااي يالمالديف



اتمنى ان التقرير نال على اعجابكم . وشكرا على المتابعه ..

رد مع اقتباس
  #3  
قديم 02-28-2015, 02:29 AM
F.A.H.D
F.A.H.D غير متصل
عضو
مسافر دائم
 
معلومات العضو
التسجيل: Feb 2015
العضوية: 5054
المشاركات: 1,605 [+]
بمعدل : 2.31 يوميا
اخر زياره : [+]
افتراضي

الحمدلله على السلامة..
تقرير رائع ومميز..يعطيك العافية..
ذكرت ان تاريخ الرحلة 2010/10/3 فهل هذا فعلاً التاريخ الصحيح ام خطأ مطبعي وان كان التاريخ صحيح فعلاً فسامحك الله على حرماننا من الاطلاع على ابداع عدستك طيلة هذه الفترة.
تمنياتي لك بالتوفيق.

رد مع اقتباس
  #4  
قديم 02-28-2015, 02:29 AM
mr. Aljasser
mr. Aljasser غير متصل
عضو
مسافر متميز
 
معلومات العضو
التسجيل: Feb 2015
العضوية: 66856
المشاركات: 152 [+]
بمعدل : 0.22 يوميا
اخر زياره : [+]
افتراضي

عزيزي هادي

ابد قولت فهيدان

ليش حارمنا إبداع عدستك طييييلة هالفترة

مصووووووووور خطييييييييير ومحترف

ورحلة سعيدة ان شاء الله

اختيارك للفنادق قمممممة الذووووووق يا ذووووق

طيب وين التكاليف

وكيف عملت النك اللي عالصور عجبني

وكيف حطيته عالصور وهل كانت الشغلة متعبة

ارجوا ان اجد حلا لتساؤلاتي القديييييييمة

أيضاً من لا يجيد شيئا في الانجليزية هل يستطيع الذهاب

والحجاب ما وضعه في منتجعات المالديف وهل يواجه نظرات استغراب

تقبل خالص تحياتي

Mr. Aljasser

رد مع اقتباس
  #5  
قديم 02-28-2015, 02:29 AM
HADi Al-Shahwani
HADi Al-Shahwani غير متصل
عضو
 
معلومات العضو
التسجيل: Feb 2015
العضوية: 81624
المشاركات: 9 [+]
بمعدل : 0.01 يوميا
اخر زياره : [+]
افتراضي

المشاركة الأصلية كتبت بواسطة f.a.h.d الحمدلله على السلامة..

تقرير رائع ومميز..يعطيك العافية..
ذكرت ان تاريخ الرحلة 2010/10/3 فهل هذا فعلاً التاريخ الصحيح ام خطأ مطبعي وان كان التاريخ صحيح فعلاً فسامحك الله على حرماننا من الاطلاع على ابداع عدستك طيلة هذه الفترة.

تمنياتي لك بالتوفيق.




يا هلا وغلا بك اخوي فهد .۔ شكرا لك ولردك الجميل يالغالي


نعم التاريخ صحيح .۔ رحلتي كانت في اواخر عام 2010 مثل ماذكرت في التاريخ

ولكن في ذالك الوقت لم اكن عضو في هذا المنتدى الرائع رغم علمي به ومتابعتي له ولكن هذا تقصير مني بالتاخر في المشاركه معكم


واتمنى فعلاً ان يكون هذا التقرير يضيف ولو القليل الى هذا القسم الرائع

شكراً لك

رد مع اقتباس
  #6  
قديم 02-28-2015, 02:29 AM
HADi Al-Shahwani
HADi Al-Shahwani غير متصل
عضو
 
معلومات العضو
التسجيل: Feb 2015
العضوية: 81624
المشاركات: 9 [+]
بمعدل : 0.01 يوميا
اخر زياره : [+]
افتراضي

المشاركة الأصلية كتبت بواسطة mr. Aljasser عزيزي هادي
ابد قولت فهيدان
ليش حارمنا إبداع عدستك طييييلة هالفترة
مصووووووووور خطييييييييير ومحترف
ورحلة سعيدة ان شاء الله
اختيارك للفنادق قمممممة الذووووووق يا ذووووق
طيب وين التكاليف
وكيف عملت النك اللي عالصور عجبني
وكيف حطيته عالصور وهل كانت الشغلة متعبة
ارجوا ان اجد حلا لتساؤلاتي القديييييييمة
أيضاً من لا يجيد شيئا في الانجليزية هل يستطيع الذهاب
والحجاب ما وضعه في منتجعات المالديف وهل يواجه نظرات استغراب
تقبل خالص تحياتي
mr. Aljasser
يا هلابك وغلا يالغالي وبتساؤلاتك


بالنسبه لتوقيع فهي بواسطة الفوتوشوب والشغلة ليست متعبة فهي راح تكون روتينيه اذا تعودت عليها مع تصغير الصور ووضع التوقيع وان شاء الله راح اشرحها لك بالتفصيل في موضوع مستقل

بالنسبة للحجاب كلنا ياخوي يهمنا هذا الشي وبالعكس ماحصلت اي مشكله فيه الدوله اسلاميه وصوت الاذان كنت اسمعة وانا في الفور سيزون

يعني لاتاحاتي هذا الشي

بالنسبة لتكاليف كلفتي تقريباً 30 الف من غير التذاكر وطبعاً قد تكون اختلفت الاسعار ويعتمد ايضاً على الانشطه الي بتقوم فيها


اما بالنسبة لعتبك على التاخر في نشر التقرير هنا .۔ فاعذرني على هذا التقصير

رد مع اقتباس
  #7  
قديم 02-28-2015, 02:29 AM
مهاا..
مهاا.. غير متصل
عضو
 
معلومات العضو
التسجيل: Feb 2015
العضوية: 81521
المشاركات: 4 [+]
بمعدل : 0.01 يوميا
اخر زياره : [+]
افتراضي

واااااااااو تصوير ابدااااع من جد رووووووووووووووووووووعه ماشاء الله تبارك الله


ها الجزيره الرائعه يارب ازورهاااااااا تحس الطبيعه هناك وبسسسسسس

رد مع اقتباس
  #8  
قديم 02-28-2015, 02:29 AM
امتوليب
امتوليب غير متصل
عضو
مسافر متميز
 
معلومات العضو
التسجيل: Feb 2015
العضوية: 8967
المشاركات: 270 [+]
بمعدل : 0.39 يوميا
اخر زياره : [+]
افتراضي

عليكم السلام ورحمة الله وبركاتة


أهلا بك اخي الكريم هادي مبدع وتقريرك قد اطلعت عليه في منتدى الاسهم القطرية تصوير احترافي رائع أشكر لك حرصك على طرح هذا الإبداع في بوابة الجزر في منتدى العرب المسافرون ونتمني أن تكون هذا البداية لتقاريرك المميزه سواء عن المالديف او غيرها من مختلف الدول



دمت بود

رد مع اقتباس
  #9  
قديم 02-28-2015, 02:29 AM
The universal
The universal غير متصل
عضو
مسافر دائم
 
معلومات العضو
التسجيل: Feb 2015
العضوية: 27095
المشاركات: 1,336 [+]
بمعدل : 1.92 يوميا
اخر زياره : [+]
افتراضي

_
ماشاء الله تقرير رائع وصور أروع تسلم الايادي

صراحة كل شيء جميل الله يعطيك ألف عافيه

بانتظار جديدك .

رد مع اقتباس
  #10  
قديم 04-06-2016, 12:47 PM
لعيون أم خليفة
لعيون أم خليفة غير متصل
عضو
 
معلومات العضو
التسجيل: Apr 2016
العضوية: 104782
المشاركات: 7 [+]
بمعدل : 0.02 يوميا
اخر زياره : [+]
افتراضي

ماشاءالله تبارك الله

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 01:29 PM.


بدعم من vBulletin
الحقوق محفوظة لـ ©2000 - 2017، Jelsoft Enterprises Ltd


Search Engine Friendly URLs by vBSEO 3.6.1