العودة   منتدى العرب المسافرون الحقيقي > بوابات السفر الى دول أوروبا > بوابة السفر إلى المانيا Germany > بوابة تقارير ألمانيا السياحية


إضافة رد
 
أدوات الموضوع انواع عرض الموضوع
  #1  
قديم 02-27-2015, 10:13 PM
Faisal Amreeka
Faisal Amreeka غير متصل
عضو
مسافر جديد
 
معلومات العضو
التسجيل: Feb 2015
العضوية: 25595
المشاركات: 15 [+]
بمعدل : 0.01 يوميا
اخر زياره : [+]
افتراضي تقرير رحلتي الاوروبيه الشتويه 2011 - ميونخ



السلام عليكم و رحمه الله و بركاته



اول مشاركه لي ف المنتدى اللي افادني وايد ..
تقرير رحلتي ف اوروبا ف شتا 2011.


التقرير بيكون صور اكثر عن كلام .. اسمحولي ناسي اسعار وايد اشيا لاني ما كنت مفكر انزل تقرير.
خلوني ابدا




الخطوط الناقله





طيران الاتحاد.
اخترت طيران الاتحاد لانه يطير من بوظبي. ويبعد عن بيتنا 10 دقايق.


مسار الرحله كان : بوظبي - ميونخ - باريس - بوظبي.
سعر التذكره ل 4 اشخاص : 16000 درهم.
الشخص ب 4000 درهم. اعتقد السعر كان جيد لان حجزنا قبل السفر ب اسبوع. ما كنا مخططين للسفر.
المسافرين : انا ، و اخوي ، و خواتي الثنتين.


الفيزا : كنا مسوينها قبل سنه من السفر، لاننا كنا بنسير المانيا و عقب استوت ظروف. و هذا كان سبب دخولنا اوروبا من المانيا. ولا نحن ما كنا نبا نروح المانيا.




المدن اللي زرناها : ميونخ ليلتين - لوزيرن 3 ليالي - جنيف 3 ليالي - ديزني 3 ليالي - باريس 3 ليالي.


السفر كان من تاريخ 17 ديسمبر 2011 - و الرجعه 31 ديسمبر 2011


سبب الرحله : التسوق و شوفه اوروبا ف الشتا






اعذروني عالاغلاط ف الكلام .. كيبوردي انجليزي


.
.
.
.


ترقبو الجزء الاول

مواضيع من نفس القسم:
رد مع اقتباس


  #2  
قديم 02-28-2015, 03:10 AM
Faisal Amreeka
Faisal Amreeka غير متصل
عضو
مسافر جديد
 
معلومات العضو
التسجيل: Feb 2015
العضوية: 25595
المشاركات: 15 [+]
بمعدل : 0.01 يوميا
اخر زياره : [+]
افتراضي

الجزء الاول

.
.



جيكنا ع شنطنا و التذاكر و الجوازات. و انتبهنا ان بنوصل المانيا الساعه 6 الفير.
و اكيد كلكم تدرون ان الجيك ان الساعه 2 او 3. قررنا ان يوم نوصل نكلم الفندق ان نبا نحجز الليله اللي قبلها عشان نقدر نرقد اول ما نوصل.


وصلنا مطار بوظبي الدولي الساعه 1 و ربع. وقت الاقلاع كان الساعه 2 و 10 بعد منتصف الليل.
ركبنا الطياره و عطونا 4 كراسي عدال بعض . و الرحله كانت متعبه لان الكابتن الصراحه ما يعرف يسوق. كنا راقدين و فجآه يسوي فينا تشقلبات ههههه

.
.

وصلنا مطار ميونخ الساعه 6 الفير. خلصنا ختم الجوازات بكل سهوله و سلاسه و شلينا شنطنا و ركبنا تكسي ميني فان .

حبيت انوه ع نقطه : انا كنت مفكر احجز سياره ب سايق عشان يوصلونا من المطار للفندق ، كان السعر 140 يورو، بس ما حجزت لان السعر كان غالي .

سعر التكسي لين الفندق 60 يورو تقريبا.

كان حجزنا في فندق Hotel Regent

حجزنا غرفتين - ليلتين ب سعر 420 يورو.

احلى مافي الفندق مكانه .. مشي لين المارين بلاتز اقل من 10 دقائق
و محطه القطار مقابله الفندق.


وصلنا الفندق و قلنا لهم ان نبا غرفه ع اساس ان الجك ان اليوم اللي قبله ، قالو ان ما عندهم اي غرف فاضيه. و نحن كنا تعبانين.

حطينا الشنط عندهم و ركبنا تكسي و قلنا له يودينا المارينبلاتز نتريق

بعض الصور من اللوبي









وصلنا عند مكان قريب من المارين ، فيه سوق السبت يبيعون فيه خضار و فواكه و خبز وايد حلو .

بعض الصور من الساحه ، ماعرف شو اسمها




هذا ريوقنا






شوفو التفاح عجيب .











تمينا نمشي لين ما وصلنا المارين . نحن خذنا تكسي لان ما كنا ندري ان المارين قريب.
درجه الحراره كانت تحت الصفر. هههه كانا ندخل المحلات عشان نحس ب دفا









انصح الشباب يروحون هالمحل Hirmer
محل رجالي 3 طوابق و عندهم تشكيله متنوعه





هالمحل كله عطورات و عندهم اشيا حصريه بس ف المانيا و سويسرا و اعتقد النمسا
Douglas



و طبعا ال department store الغني عن التعريف
oberpollinger





كله عندهم ماركات نفس : لوي فويتون ، ديور و فندي









تسوقنا في هالمحل لين الساعه 2 الظهر .. التاكس فري اوفس ف طابق المفروشات
و تغدينا هناك ف اخر طابق شي بوفيه ، الاكل وايد شهي انصحكم فيه

بعد ما خلصنا ردينا الفندق و غرفتنا كانت جاهزه و غطنا في سبات عميق ..



انتهى -

رد مع اقتباس
  #3  
قديم 02-28-2015, 03:10 AM
سوسو الصغيرة
سوسو الصغيرة غير متصل
عضو
مسافر متميز
 
معلومات العضو
التسجيل: Feb 2015
العضوية: 34181
المشاركات: 450 [+]
بمعدل : 0.36 يوميا
اخر زياره : [+]
افتراضي

بداية جميله ...


بس غريبة انكم تعبتو في درب ميونخ ...


معروف درب ميونخ من اهداء الطرق بس ما ادري يمكن الطيار ما يعرف يسوق خخخخخخ ....


ميونخ احلى في الشتاء ....

رد مع اقتباس
  #4  
قديم 02-28-2015, 03:10 AM
الحوسني
الحوسني غير متصل
مراقب عام
مسافر دائم
 
معلومات العضو
التسجيل: Feb 2015
العضوية: 5917
المشاركات: 3,098 [+]
بمعدل : 2.50 يوميا
اخر زياره : [+]
افتراضي

يعطيك العافية على كتابة تقريرك واختيارك منتداك العرب المسافرون لتكون الانطلاقة والتمتع بهذا التقرير الرائع بإذن الله والصور اللي تريح القلب و تحن لنا للرجوع الى تلك البلاد الجميلة اللي مهما تكلمت عنها ماقدر اوصفها من حبي الكبير لها ،،، متبايع وتقبل تحياتي

رد مع اقتباس
  #5  
قديم 02-28-2015, 03:10 AM
nanaabuabed
nanaabuabed غير متصل
موقوف
مسافر دائم
 
معلومات العضو
التسجيل: Feb 2015
العضوية: 5094
المشاركات: 3,211 [+]
بمعدل : 2.59 يوميا
اخر زياره : [+]
افتراضي

تقرير ببداية حلوة وصور احلى ..
واصل متابعين
تسلم الايادي والجهد ...

رد مع اقتباس
  #6  
قديم 02-28-2015, 03:10 AM
Faisal Amreeka
Faisal Amreeka غير متصل
عضو
مسافر جديد
 
معلومات العضو
التسجيل: Feb 2015
العضوية: 25595
المشاركات: 15 [+]
بمعدل : 0.01 يوميا
اخر زياره : [+]
افتراضي

سوسو الصغيره

شكله الطيار يحب المغامرات لوول .. هي وايد احلى في الشتا و مافيها زحمه
شكرا ع مرورح ،


الحوسني

تسلم اخويه ، و ترقب مني كل يديد


nanaabuabed

شكرا جزيلا ، و تقرب مني الجديد

رد مع اقتباس
  #7  
قديم 02-28-2015, 03:10 AM
Faisal Amreeka
Faisal Amreeka غير متصل
عضو
مسافر جديد
 
معلومات العضو
التسجيل: Feb 2015
العضوية: 25595
المشاركات: 15 [+]
بمعدل : 0.01 يوميا
اخر زياره : [+]
افتراضي

السلام عليكم ..



بعد ما رقدنا .. نشينا المغرب الساعه 8 و رحنا المارين و تعشينا .. بس ما صورت

اليوم الثاني،

نشينا الساعه 10 الصبح ، تلبسنا و رحنا تحت طلبنا تكسي



وين تتوقعون كنا رايحين ؟
شوفو الصور و بتعرفون







اكيد عرفتو وين هالمكان

الاوليمبيك بارك
Olympiapark

الجو كان بارد و حلو و الحديقه وايد روعه

ما كنا متريقين .. ف كلنا كريب نوتيلا
الكريب وايد لذيييييذ










دخلنا المسبح الاولمبي عشان نتدفى ههههه




و يوم طلعنا من المسبح ، حصلنا هالشي برع





بعدين رحنا نتغدا ف المطعم اللي هناك






الاكل كان وايد لذيذ


بعدين خذنا تذاكر حق البرج ب سعر 4.5 يورو للشخص










بعد ما خلصنا رحنا متحف و معرض البي ام دبليو ..






هاي السياره شكلها يضحك












هاي السيارات اللي استخدموها في ميشن امباسبل 3 اللي صوروه في دبي







و يوم طلعنا تميت العب بالثلج








بعدها ردينا الفندق لان الثلج قام يطيح بشده .. و رحنا المارين فليل و كان اليوم الاحد و كل المحلات مسكره !!!!
بس تعشينا و جي .. هذا اكره شي ف المانيا .. ان المحلات تبند يوم الاحد


خلص جزء ميونخ ، ترقبو الجزء السويسري ..
شكرا ع متابعتكم
انتهى -

رد مع اقتباس
  #8  
قديم 02-28-2015, 03:10 AM
سوسو الصغيرة
سوسو الصغيرة غير متصل
عضو
مسافر متميز
 
معلومات العضو
التسجيل: Feb 2015
العضوية: 34181
المشاركات: 450 [+]
بمعدل : 0.36 يوميا
اخر زياره : [+]
افتراضي

جزء حلو ...


احلى كريب ذكته في حياتي ....


على العموم في انتظار الجزء القادم ....

رد مع اقتباس
  #9  
قديم 02-28-2015, 03:10 AM
ماجد الفهد
ماجد الفهد غير متصل
عضو
مسافر دائم
 
معلومات العضو
التسجيل: Feb 2015
العضوية: 104
المشاركات: 3,698 [+]
بمعدل : 2.98 يوميا
اخر زياره : [+]
افتراضي

واصل وربي يعطيك الصحة والعافية

مستمتع جدا بالتقرير

وذكرتني بالإتحاد وطيرانهم الرائع



أما الثلج فحكاية جميلة للغاية


بالتوفيق

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 01:33 AM.


بدعم من vBulletin
الحقوق محفوظة لـ ©2000 - 2018، Jelsoft Enterprises Ltd


Search Engine Friendly URLs by vBSEO 3.6.1