العودة   منتدى العرب المسافرون الحقيقي > بوابات السفر الى دول أوروبا > بوابة السفر إلى المانيا Germany > بوابة تقارير ألمانيا السياحية


إضافة رد
 
أدوات الموضوع انواع عرض الموضوع
  #1  
قديم 02-27-2015, 10:13 PM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.36 يوميا
اخر زياره : [+]
افتراضي اجمل الذكريات (كريسماس برلين 2012 )



سفره كانت اكثر من رائعه بدايتها كانت في برلين اللي بجد توفقنا فيها واجمل ذكرياتي كانت فيها


الصور راح تتكلم اكثر مني اذا تذكرت شي بقوله مقصدي من هذا التقرير اني اخليكم اتشوفون شكل برلين في ديسبمر والله روووووووووووووعه ومن الحين اقولكم الصور جدا جدا متواضعه بس انا لاني احب منتدى العرب المسافرون علشان كذا ودي افيد الكل لو بشي بسيط واسمحولي مقدما على القصور



سفرتنا كانت في شهر 12 بس كم بالضبط ماتذكر اختكم فيها نسيان عجيب غريب اسمحولي بس اللي اتذكره ان احنا رجعنا تاريخ 26 او 27-12 حضرنا الكريسماس وكان شي روووعه مدة السفره تقريبا 16 او 17 يوم

الرحله كانت على القطريه الساعه 2 فالليل اقلعنا والوجهات كانت

برلين - روما - فيينا - كوبنهاجن-مالمو وكل التنقلات كانت بالطيران الاوروبي ... مفروض ان بعد فيينا انروح باريس بس دوم كل مانخطط انروح لها ماتكنتب لي ماعرف ليه رحت لها مره ومن قلب خاطري ارجع لها

انصحكم اتسون مثلنا نحجز بس حق اول محطه وبعدين واحنا هناك نقرر وين نبي انروح .. سوري دوشت لكم راسكم



المهم لكم ان تتخيلو فرحتي وانا رايحه المطار قمه في السعاده الحمدالله والشكر اللي يشوفني يقول ماقد سافرت


حجزنا كان على البزنس والطيران طبعا واكيد على القطريه احسن طيران في الشرق الاوسط




هاذي الصوره في المطار قبل لاتطير الطياره واسمحولي على الحوسه في الصحن ترى متشاركين انا وزوجي في صحن يابلفيت تخفيف



توقعت اني بنام في الطياره بس للاسف ماقدرت انام لان القطريه اذا الوجهه ماكانت عالميه مثل لندن او باريس او فرانكفورت يودون الركاب بطياره صغيره والسبب الاساسي أن الركاب شوي والبزنس فيها مب اوكي الكرسي مايقلب سرير ماعرفت انام وزوجي مشاءالله عليه ناااام وانا تميت قاعده يمكن نمت اقل من نص ساعه قمة التعب


وبحمد الله وصلنا بس شفت برلين سبحان الله دخلت قلبي وحبيتها من وانا في الطياره





هنا برلين تبتسم لي وتناديني وتقول تعالي بدون شعور شفت نفسي ابتسم وابي انزل بسررررعه

مع ان المطار قديم وصغير بس مريح يجنن من الطياره على طول على باب المطار قررريب ولما تدخلون المطار جنب الشرطه سير الشنط اقولكم يجنن المطار صغيرون احسن من المطارات الكبيره المتعبه



هاذي الصوره الوحيده اللي صورتها في المطار مع ان وصلنا الصبح بس مثل ماتعرفون في الشتا الشمس تتاخر لين تشرق


Booking.com: Hotel Concorde Berlin, برلين, ألمانيا - 1406 آراء النزلاء. احجز فندقك الآن!

السكن كان في هذا الفندق .. احلى مافيه موقعه خطيرررر والغرف وسيعه بس مايستحق 5 نجوم وهذا شي طبيعي على اوروبا والعيب الكبير ان الغرفه مافيها ارسال ابدا ابدا كنت اعاني اذا بكلم حد الارسال بس حبه وحده بس وترجع تختفي دوم لاصقه عند الدريشه احاول اصيد ارسال ولافي فايده لازم نطلع برى

بعد ماوصلنا الفندق قالوا لنا الشيك ان الساعه 2 الظهر واحنا واصلين الساعه 8 او 9 مادري اشلون راح عن بالنا نحجز ليله قبل والمشكله احنا مب لابسين ثقيل والدنيا برى ثلج وانا النوم لاااااعب فيني مانمت حاول زوجي فيها قالت بعطيكم غرفه على اساس تبدلون والشي الاهم احنا ماصلينا الصبح نبي نصلي .. عطتنا كرت الباب استانسنا في الاخير اطلعت كذابه قصدها انروح نادي صحي واحد للنسا والثاني للرجال وتعرفون هم ماعندهم خصوصيه عادي اي حد يدخل حتى مفتاح الباب مافي بس حظنا ان ماكان في حد حطيت فوطه وصليت عليها الله يتقبل يارب الوضع كان صعب جدا للصلاه مافي خشوع .. وبعدها لبسنا ملابسنا الشتويه وطلعنا وياااامحلا برلين حب من اول نظره



هذا اول منظر استقبلني وكنت سعيده حدي حدي حدي


كنا نبي انضيع وقت رحنا تريقنا في كوفي شوب وحبيناه صرنا كل صبح نتريق فيه وبعدها شفنا باص سياحي مدته ساعتين قررنا نركبه علشان انضيع الوقت واول ماركبته قعدت اعيوني تسكر صرت انام وارجع اقوم ولاقمت اصور وبعدها ارجع انام




هذا سور برلين المشهور





اللي يميز برلين ان اكشاك الكريسماس في كل مكان بتشوفونها معاي في الصور الجايه وين ماتلفون وجهكم بتحصلون مجموعة اكشاك جد قمة المتعه منظر العيد وفرحة الناس بالعيد شي يبهج النفس
































حبيت هالعجوز





الى هنا والنوم بدا يلعب فيني بكمل معاكم عقب .. سي يو

مواضيع من نفس القسم:
رد مع اقتباس


  #2  
قديم 02-28-2015, 03:13 AM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.36 يوميا
اخر زياره : [+]
افتراضي

اتذكر مشينا كثير والساعه 1 رحنا الفندق والحمدالله سلمونا مفتاح الغرفه وعلى طول نوم صحينا تقريبا الساعه 6 وطلعنا على اجمل واحلى واروح مناظر جنبنا شارع رووووعه نسيت اسمه بس يشبنونه في الشانز وهو اروع شارع في موسم الاعياد

ونقوم بسم الله ونبتدي الصور اللي عذبتني





























































اتذكر ختمناها بعشا في مطعم هندي رخيييييييص حتى ارخص من عندنا يمكن كلفنا 120 ريال شي كذا مب اكثر .. ملاحظه صغيره ان اسعار برلين روووعه من ناحية الفنادق والمطاعم اما الاسواق فالماركات اسعارها وحده هنا وهناك



اتمنى هذا الجزء نال اعجابكم

رد مع اقتباس
  #3  
قديم 02-28-2015, 03:13 AM
فيصل
فيصل غير متصل
عضو
مسافر دائم
 
معلومات العضو
التسجيل: Feb 2015
العضوية: 170
المشاركات: 15,903 [+]
بمعدل : 12.51 يوميا
اخر زياره : [+]
افتراضي

اتوقع هالسفره اللي كنتي تتوقعين انها ما تكون اروع من سفراتك السابقه طلعت هي الافضل
اهم شيء لا تنسين الثلج والواحد يزلق من المشي

رد مع اقتباس
  #4  
قديم 02-28-2015, 03:13 AM
الحوسني
الحوسني غير متصل
مراقب عام
مسافر دائم
 
معلومات العضو
التسجيل: Feb 2015
العضوية: 5917
المشاركات: 3,098 [+]
بمعدل : 2.44 يوميا
اخر زياره : [+]
افتراضي

ذكريات في عز الثلج ،،، مثل هذي السفارات اللي ماتنسى الواحد متعود السفر خلال الصيف ويشوف الطبيعة والبروده بس نادر وقليل من يفكر السفر في عز الثلج فعلا سفرة تستحق التجربة

رد مع اقتباس
  #5  
قديم 02-28-2015, 03:13 AM
ياسمينة ستي
ياسمينة ستي غير متصل
مشرفه سوريا
مسافر خبير
 
معلومات العضو
التسجيل: Feb 2015
العضوية: 27922
المشاركات: 672 [+]
بمعدل : 0.53 يوميا
اخر زياره : [+]
افتراضي

واخيرا نزل تقريرك

المدن في الكرسمس تكون بأجمل حلة الزينة بكل مكان والثلج مغطي الشوارع

اعجبني المطار الصغنون خفيف ومهضوم ع الماشي خخخخ

والفندق جيد

يعطيك العافية

رد مع اقتباس
  #6  
قديم 02-28-2015, 03:13 AM
omar960
omar960 غير متصل
عضو
مسافر جديد
 
معلومات العضو
التسجيل: Feb 2015
العضوية: 49564
المشاركات: 13 [+]
بمعدل : 0.01 يوميا
اخر زياره : [+]
افتراضي

رحلة موفقة

رد مع اقتباس
  #7  
قديم 02-28-2015, 03:13 AM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.36 يوميا
اخر زياره : [+]
افتراضي

ماعرف ليه بعض الصور طلع لونها رمادي مع اني نزلتها عدل وطالعه واضحه برجع انزلها مره ثانيه واتمنى تضبط


بقولكم شي عن السواقه في برلين احس ماتنفع السواقه فيها انا نظرتي لها في السواقه غير وزوجي غير ماعرف من الصح فينا .. احس شوارعها ملخبطه وأدوخ والسيارات داخله في بعض غير عن اي مكان ثاني وزحمه تلوع الكبد عندهم قعدت اقول ياليت مااجرنا سياره .. وزوجي يقول بالعكس عادي انتي خوافه ماعرف من الصح فينا



احلى شي في برلين في ديسمبر وين ماتلفون وجهكم اكشاك الكريسماس والاغاني حقتهم استغفرالله حلوه حبيتهاااا اتحسون باجواء العيد والفرح والالعاب ونصيحه من اختكم اللي يبي يستمتع في ديسمبر يختار دوله فيها ثلج لان الثلج هو اللي يحلي الاجواء ..

ولااااااااااااايفوتكم الكريب عندهم شي مش طبيعي يدوووووخ من حلاته ... تعرفون جربت الكريب في فيينا وفي روما مب اووكي ماحبيته احس برلين غير ألذ واحلى وفي الدنمارك الوافل خيااااالي



اتركم الحين مع الصور واتمنى تحوز على اعجابكم وتجربون برلين السنه الجايه ان شاءالله وتدعون لي بعد













هنا كنا قاصدين انشوف قصر شارلوتنبرغ اكبر قصر في برلين وبصراحه الاجواء اللي هناك محليه المكان الكريسماس معطي المكان حيويه ومحليه والاحلى منهم الثلج
















هنا الكل يشرب الشراب الحرام ويضحكون مستمتعين استغفرالله علشان يتدفووون بس عادي ماتحسونهم سكارى الوضع عادي جدا متعودين على الوضع








وهذا هو القصر بس طبعا ممنوع التصوير .. كان حلو لاباس فيه بس جد عجزنا نفهم السماعات اللي يعطونا ياها خذناها بس ديزاين ماعرف ليه
مانستسيغها ولانعرف لها لان لازم في كل غرفه تسمعون شنو يقول شي ممل انا كله اقول لزوجي انت اسمع وقولي مشكله الكسل ماحب اشغل مخي






بعدها رحنا نتغدا في مطعم قدام مواقف السيارات على اساس انه ايطالي الا طلع اصحابه لبنانين بس شنو طيبين مساكين ضيفونا شاي وكابتشينو لي وسويت ببلاش احرجونا بطيبهم وكرمهم الله يجزاهم خير



وبعدها طلعنا نمشي الا نسمع صراخ وحده واااااااااااااااااااااااااااااااا بصوت عالي قلت بسم الله شنو هذا الا وحده مسكينه متسلقيه على ظهرها أزلقت على ثلج عليه ماي صاير جليد وشكلها انكسرت حاولو يشلونها وهي تصااااارخ وجابو الاسعاف لها ... اشكثر يطيحون قدامي بسبب الثلج لان اول 3 ايام كان كله سنو بعدها نزل مطر صار الوضع مأساوي كل شوي الاسعاف يشلهم ماتهنو في عيدهم مساكين

اللي بيجرب الثلج لازم يكون معاه شوز خاص الله يعزكم علشان مايتعرض حق هالمواقف




يتبع

رد مع اقتباس
  #8  
قديم 02-28-2015, 03:13 AM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.36 يوميا
اخر زياره : [+]
افتراضي

فيصل

فعلا اطلعت اجمل سفراتي بسبب الثلج واجواء العيد اللي عطت المكان جمال والطيحات والزلق موضوع ثاني الحمدالله رجعنا بدون اصابات ... شكرا على تفاعلك وردك


الحوسني

صح كلامك الواحد لازم يجرب السفر في الشتاء لان الثلج والبرد بروحه جمال من نوع ثاني .. شاكره لك مرورك وردك


ياسمينه ستي

مشكوره على اللايكات حبيبتي .. وصدقتي يامحلا المطار مت عليه ياليت كل مطارات العالم مثله أريح مطار مر علي في حياتي

شاكره لج مرورج ياعسل


عمر

شكرا على ردك


اسعدني تواجدكم جميعا واتمنى تصويري المتواضع أعجبكم

رد مع اقتباس
  #9  
قديم 02-28-2015, 03:13 AM
FuNnY GiRL
FuNnY GiRL غير متصل
عضو
مسافر متميز
 
معلومات العضو
التسجيل: Feb 2015
العضوية: 23291
المشاركات: 460 [+]
بمعدل : 0.36 يوميا
اخر زياره : [+]
افتراضي





بعدها قررنا انروح قريه طلعها زوجي من القوقل ماب نسيت اسمها بس مب حلووه عاديه جدا مافيها اي شي غير سنتر صغيرون حسيت ضيعنا وقت فيها بس مثل ماقلت لكم اجواء الكريسماس هي اللي تحلي المكان






يحليلها العجوز اطلعت اتشوفني وانا مادري وتبتسم لي ياحلوها




تتذكرون ارلي واستارلي الكرتون القديم ذكروني فيهم



تمشينا فيها واستمتعنا باكشاك الكريسماس القريه حدها صغيره وبعدها رجعنا ماصورت كثير في هاذي القريه اكثر الصور شخصيه انا اسفه









هاذي الزحليقه شنو تمنيت اجربها بس انحرجت لان كل اللي فيها اطفال صغار





















تصبحووون على خير

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 02:08 AM.


بدعم من vBulletin
الحقوق محفوظة لـ ©2000 - 2018، Jelsoft Enterprises Ltd


Search Engine Friendly URLs by vBSEO 3.6.1