العودة   منتدى العرب المسافرون الحقيقي > بوابات السفر الى دول أوروبا > بوابة السفر إلى بريطانيا UK وإيرلندا Ireland


إضافة رد
 
أدوات الموضوع انواع عرض الموضوع
  #1  
قديم 02-27-2015, 10:09 PM
القطري
القطري غير متصل
عضو
مسافر دائم
 
معلومات العضو
التسجيل: Feb 2015
العضوية: 17432
المشاركات: 1,667 [+]
بمعدل : 0.77 يوميا
اخر زياره : [+]
افتراضي Electronic visa waiver او الي يختصرونها evw ..انقل لكم تجربتنا للفايده



السلام عليكم ورحمة الله وبركاته

هلا وغلا الغالين


حبيت انقل لكم تجربتي مع الفيزا الجديده ELECTRONIC VISA WAIVER او EVWحسب الاختصار المنتشر لها ..عشان اتعم الفائده وراح اذكرها بشكل نقاط للتسهيل وفي الاخير بعض الملاحظات من خلال تجربتنا معهم لتعم الفايده ..واول شي اتسوي لك حساب في الموقع الرسمي الي هو

https://www.visa4uk.fco.gov.uk/User/Home
وماراح تقدرون اتسوون فيزا لين اتسجلون في الموقع.


الحين مع اهم النقاط الي ايجهزها الواحد وهي كالتالي :
1- الجواز: راح يطلبون المعلومات الاعتياديه من الجواز مثل الاسم ورقم الجواز وتاريخ الميلاد وتاريخ الصدور والانتهاء ولاااااااازم الاسم الي في الجواز ينكتب نفسه بالضبط في الفيزا ولا ماراح تدخل.
2- الرحله: مطلوب تفاصيل الرحله كاااااملة مثل تاريخ السفر ورقم الرحله ووقت الرحله من بلادك ووقت الوصول لبريطانيا.
3- الفيزا: بعد مااتعبي كل شي لازم اتوقع على الفورم وعشان انتأكد ان كل شي اوكي تطلع لنا كتابه COMPLETE
4- اطبع الفيزا وخلها معك لانهم بياخذونها منكم اذا وصلتوا بريطانيا ان شاءالله.
5- في حالة المغادره من بريطانيا مهب لازم تاخذون معكم الفيزا لانهم مااطلبوها منا ولا حتى اسألونا خير شر.
6- اذا حبيت اتقدم على فيزا ثانيه من نفس النوع لازم تنتظر 3 شهور.
7- اذا كتبت معلومه غلط متعلقه بالجواز تقدر اتعدل على نفس الفيزا مثل تاريخ الميلاد او رقم الجواز...الخ ، ولكن وركزوا على ولكن اذا صار تغيير في الطيران لازم اتقدم فيزا جديده وتبدا من جديد

الملاحظات من خلال تجربتنا الاولى وهي الكالتالي :


· فيزة واحد من عيالي كنت كاتب تاريخ صدور الجواز غلط ولما سوينا تشيك ان في مطار الدوحه ماانتبهوا ولما جينا بنركب الطياره عشان انطير على بريطانيا الموظفه اكتشفت الخطأ وقالت اذا ماسافر اولدك بتكملون ولا ! قلت كلنا بنقعد وماراح انسافر، فقالت لان الفيزا فيها خطأ ولازم انكلم الجوازات البريطانيه وبنشوف اذا يسمحون ولا ولا! وفعلا كلموا الجوازات المره الاولى وماردوا وارجعوا كلموهم مره ثانيه وردوا وقالوا عادي اذا كان في تاريخ صدور الجواز بس، وهذا ايدل على انه فيهم مرونه على الرغم انها مهب من عوايدهم.
· الفيزا بدون رسوم واتسويها وانت تشرب قهوه في بيتك وانت مرتاح وتقدر تشتغل عليها اي وقت واهم شي قبل السفر بيومين.
· اذا سويتوا الفيزا هذي مايحتاج اتعبون كرت الطياره الي ايوزعونه لاني عبيته ولكن قالي الموظف مانحتاجه دام انك جايب لنا الفيزا الالكترونيه.
· خلوكم حرصين وانتوا اتعبون البيانات نفس ماذكرت فوق.
· لا اتقيدون بتاريخ الرجعه لان عيالي كنت حاجز لهم تاريخ معين ولكن رجعتهم في تاريخ قبل الي كتبته في الفيزا ومحد سأل وهم اصلا مايهتمون فيها لأن اهم شي عندهم تاريخ الوصول.


في الاخير خدمه تشكر عليها الحكومه البريطانيه لانها وفرت علينا الوقت والمال.
تحياتي

مواضيع من نفس القسم:
رد مع اقتباس


  #2  
قديم 02-28-2015, 03:56 AM
توبليرون
توبليرون غير متصل
عضو
مسافر دائم
 
معلومات العضو
التسجيل: Feb 2015
العضوية: 3364
المشاركات: 4,908 [+]
بمعدل : 2.28 يوميا
اخر زياره : [+]
افتراضي

ما شاءالله
عليكم بالعافية سهولة الأجراءات
طيب احنا متى نقدر نسوي جذيه ؟؟

رد مع اقتباس
  #3  
قديم 02-28-2015, 03:56 AM
القطري
القطري غير متصل
عضو
مسافر دائم
 
معلومات العضو
التسجيل: Feb 2015
العضوية: 17432
المشاركات: 1,667 [+]
بمعدل : 0.77 يوميا
اخر زياره : [+]
افتراضي

الله ايعافيس اختي ام حسين والفال لكم ان شاءالله

حاليا للاسف متوفره لقطر وعمان والامارات بس ..

رد مع اقتباس
  #4  
قديم 02-28-2015, 03:56 AM
محمد الشكري
محمد الشكري غير متصل
عضو
مسافر جديد
 
معلومات العضو
التسجيل: Feb 2015
العضوية: 33519
المشاركات: 45 [+]
بمعدل : 0.02 يوميا
اخر زياره : [+]
افتراضي

وأزيد على كلامك

الحرص كل على الحرص على المعلومات الصحيحة خاصة مدينة الاقلاع

أنا كان عندي رحلة من الدمام إلى اسطنبول إلى أدنبره

حطيت مدينة الاقلاع الدمام لأنه الي معاي الله يهديه قالي الترانزيت ما عليك منه

لكن قبل اقلاع الطيارة رفضوا دخولي للطائرة بحجة انه بلد الاقلاع غير صحيح

اضطريت اني اقعد يومين باسطنبول بعدين اسافر (( لازم تسوي الفيزا قبل الرحلة بيومين على الأقل ))

حتى لما عدلتها لاحظت انهم يدققون كثير على هذا الموضوع لكن حمدلله مشت اموري


ويعطيك العافية على الشرح الرائع

رد مع اقتباس
  #5  
قديم 02-28-2015, 03:56 AM
راهية دوم
راهية دوم غير متصل
عضو
مسافر
 
معلومات العضو
التسجيل: Feb 2015
العضوية: 3493
المشاركات: 99 [+]
بمعدل : 0.05 يوميا
اخر زياره : [+]
افتراضي

مرحبا .....
طيب ليش هاي الفيزا الالكترونية ؟؟؟؟ مو على أساس ألغوا الفيزا عن الاماراتيين ؟؟؟

ولا القصد الغاء الاجراءات السابقة من مقابله وغيره بس؟؟

ابصراحه لولا موضوعك ماعرفت انه لازم انسوي هالاجراءات ,, ولو نوينا انسافر بريطانيا أكيد كنا اتوهقنا

شكرا لك يالقطري على كل ماهو مفيد وجديد .



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 03:55 PM.


بدعم من vBulletin
الحقوق محفوظة لـ ©2000 - 2021، Jelsoft Enterprises Ltd


Search Engine Friendly URLs by vBSEO 3.6.1