العودة   منتدى العرب المسافرون الحقيقي > بوابات السفر الى أمريكا وكندا واستراليا و البرازيل والدول الأفريقية > بوابة السفر الى نيوزيلندا New Zealand > بوابة تقارير نيوزيلندا السياحية


إضافة رد
 
أدوات الموضوع انواع عرض الموضوع
  #1  
قديم 02-27-2015, 09:26 PM
مسافره لـnz
مسافره لـnz غير متصل
عضو
 
معلومات العضو
التسجيل: Feb 2015
العضوية: 24541
المشاركات: 3 [+]
بمعدل : 0.00 يوميا
اخر زياره : [+]
افتراضي رحلتي لأوكلآند نيوزلاندآ ..!! كشكولي الخاص..!!



السلام عليكم ورحمة الله وبركاته

السلام عليكم اخواني واخواتي


حبيت اني اشارككم برحلتي المجنوونه ومو لحاجه سميتها لكن لمواقف صارت معي اطلقت عليها اسم مجنوونه



ان شاء الله كل نهاية اسبوع راح انزل باارت عن ابرز احداث هذا الاسبوع :101:

او كل ماقدرت ادخل النت يعني ماوعدكم بشي بوقت معين تعرفون الخبطه بس ان شاء الله بقدر احاول قد ما اقدر :108:

طبعا رحلتي كانت الرياض هونق كونق اوكلاند:24:

على الخطوط "الكاثي باسيفيك" اكثر من رائعه وانصح الجميع بها بدووون مبالغه ابداً:24:

على الفيرست كلاس والخدمه اعلى من ممتازه ومن جد راحه مابعدها راحه والله الخطوط السعوديه لا عبين بها علينا :@

الحين نرجع لتفاصيل الرحله وراح يكون السرد عشوائي والي بقلبي بقوله لكم علشان كذا سميته كشكول يعني الي يصير معي بقوله بدون زياده ولا نقصان طبعاً وان شاء الله اذا قدرت بنزل بعض الصور الجميله لعنونكم:109:

قرائه ممتعه وان شاء الله تستمرون معي لما النهاية وماتملون :106:

ابتدت من مطار الرياض وركبنا الطياره <<اكيد يعني بتركبين سياره بالمطار :109:

المهم كانت على خطوط الكاثي باسيفيك زي ماذكرت من قبل وربي انها جنااان يعني حسيت اننا دافنين اعمارنا بالحياة بالخطوط السعوديه لاعبين علينا فيها وقايلين لنا انها طياره خخخخخخخـ <<واشك بذلك

المهم كان الرحله الاولى جدا جدا رائعه وهاااااااااااااااادئه

المهم بعد عشر ساعات تقريبا ماذكر بالضبط نزلنا لمطار هونق كونق كان جدا جدا جميل وحلو


لكن الي خلاني استغرب واستهجن نوعاً مااء احد المواقف الي صارت معي وخلت ام الدنيا تقفل بوجهي :114:


وخاصه اني ماحب العنصريه وهو اننا لما نزلنا بهونق كونق ورايحين لطيارتنا الثانيه طبعا فيه تفتيش تمر فيه اول شي


طبعا اي وحده محجبه كانو يمسكونها على جنب وتفتيش تفتيش يعني نفض

تجيها حرمه وتجلس تفغص فيها :108:


خير ان شاء الله والامريكيات والصينيات يتمشون من قدامنا عادي ليه يعني على راسهم ريشه

ومن جد انا زعلت وحنشت بعد بالعربي على اخوي الي كان معي ويالله يالله سكتني وانا ابربر وقال ترا فيه عرب وناس اسكتي وانا ليه هم عنصريين ليه هم يسوون كذا علشانا مسلمين احنا تاج راسهم هـ # لاجو بلدنا احترمناهم وحطيناهم فوق روسنا ويوم نجيهم يستفردون بنا والله الي مافصخ حجابي علشانهم الي فيهم مالا فيهم ...الخ الخ


المهم عاد بعد التفغيص الي جاني اقصد التفتيش من المفتشه عدت بسلام وتاكدو ان مامعي متفجرات ولا اي شي ممنوع عدونا من عندهم وانا اقول بقلبي الي يبي الدح مايقول اح تستاهلين ماحد قالك روحي لهم وصدق من قال من طلع من داره قل مقداره

للمعلوميه : انا من اول مابي اسافر لكن اهلي لا روحي حرام انتي انقليزيتك حلوه طوريها ومعرف ايش وطبعا اهلي كلهم مسافرين يعني غصب عني اسافر ولا حل اخر خلونا مانتطرق له :110:


المهم امشي الا ورانا وحده عراقيه تقولي يا اختي انتم طالعين على اوكلاند قلت لها ايه افكوورس<<افرد عليها عضلاتي الانقليزيه

وانتي

قالت ايه والله بس اني مضيعه ممكن امشي معكم قلت اكيد اكيد تفضلي الا من حضها اخوي حامت كبده وبدل ماندور على الطياره صرنا ندور على حمام لان اكرمكم الله اخوي تعب وبطنه عوره ..الخ الخ بدون ما اقرفكم يعني


المهم عدت على خير وطلع لنا اخوي وهو يحاول يتماسك وقال يلله على الطياره قلت يلله ومعنا العراقيه ياحياتي طلعت حامل والله اني رحمتها وصرت كل شوي اتطمن عليها

وابتلشت بها وباخوي كل واحد العن من الثاني ذي تتوحم وذا تعبان وابتلشي يا مسافره 

نجي لقصه العراقيه 
العراقيه رايحه تدرس وزوجها بالسعوديه واهلها عايشين بنيوزيلاندا وهي رايحه عند اهلها تدرس المهم عاد
اننا بعد ماوصلنها للبوابه جحدتنا الحرمه مادري وين اختفت وهذا اول درس تعلمته اني احذر من الجميع يعني مو كل الناس اثق بهم واترك عني الطيبه الزايده الي مدهورتني دايما المهم يعني البنت حامل ومخبيه بطنها عنهم شكلها تبي تولد عندهم وتاخذ الجنسيه لولده <<ذكيه ماشاء الله عليها

بعد ما استقرت اوضاعنا ورايحين بطريقنا انتبهت ان المطار مرره مره حلووو وكبييير ومرتب شي مو طبيعي


والاهم من ذا كله انه كله محلااات ماركات وانا الي تقوطر سعابيلي على المحلات ابي افرد عضلاتي وانطلق لها واتقضى للعيد <<خخخخخ امزح ابي اسوي شوبنق يعني عادي بنوته وتبي تشتري غلطت 

المهم اخوي جرني وراه من عقب ماكنت اجره 

تشوفون طاب ورجع يفرد عضلاته علي <<على فكره ترا الرحله كلها فرد عضلاات هع هع

المهم يعني شريت كم شي بسيطات وابدا ابدا مو غاليات <<ايه هين

عاد قمنا و نزلنا تحت للقطار علشان نروح لرحلتنا وطبعا اول مادخلت الا الناس متمسكه بالحديد وبالمساكات حقت اليدين وانا اناظرهم واقول بقلبي صدق اجانب خوافين

واخوي بحكم انه مو اول مره يروح متمسك معهم والعراقيه وانا اهز راسه مستنكر المهم تقفل الابواب وانطلق القطار وكان مررره سريعه بغيت اطيح على خشتي وانا الي امسك الحديده واقول بقلبي بعذرهم


المهم مشينا ومشينا ومشينا ومشينا <<<علشان اعلمكم انه كبير بس


ووصلنا للبوابه وكان باقي ساااعه على ماتجي رحلتنا عاد قمت انا وفتحت الاب توب حقي وكان فيه نت طبعا

وافتح المسن والقا الشعب كله متسدح بالمسن وهاتك ياسوالف وضحك وحتى اننا فتحنا الكام يعنني اكشخ عليهم مطار هونق كونق كان مرره مرره يجنن بكل ماتعنيه الكلمه من معنى :24::24:

وقالولي انه حاز على احسن مطار بالعالم وبصراحه يستحق


المهم عاد ماطول عليكم ركبنا الطياره الثانيه وكانت خدمتها جيده ولكن مو مثل الطياره الاولى الي كانت متجهه من الرياض لهونق كونق لانها كانت ممتازه اما الي من هونق كونق لوكلاند كانت عاديه وحسيت انهم لئيمات اما الاولات كانو بشوشات وحبوبات جدا جدا فوق الوصف

لان اخوي اول مادخل كان تعبان وشكلهم شكو ان فيه انفلونزا الخنزير وانا اقولهم والله هو كذا هولات كل مانسافر يدوخ من الطيارات لا تخافون ولبسو كمامت وحتى عطوه كمام ماهم مصدقيني خخخخخخـ
بسلامتهم عمرهم لا صدقو


المهم عدت هالعشر ساعات على خير الثانيه ووصلنا اوكلاند عااد واخيراً

اليوم المنتظر واللحظه المنتظره وكل شي بعد

اول ماوصلنا طبعا ختمنا وخلصنا
وطلعنا برا واخذنا التكسي وعلى بيتنا <<<خخخخخخخ متاثره ايييه يا ايام العز يا السعوديه يا ايام القصور مو هالشقيقه الي هنا 

طبعا اقصد شقتنا المهم رحنا للوتيل الي هو best western


انا عن نفسي ماعجبني ابدا مع انه احسن شي حولنا وقريب وكمان غالي على الفاضي يعني الهاوس كيبنق مره زباله بالنسبه لي لما يرتبون سريرك لك نفس الشراشف مايغيرونها الا اذا انت سويت لهم سالفه والترتيب بس للاسره ويطلعون الا اذا انت مسكتهم وفوق روسهم كل شي يرجعون يرتبونه نفسه مايغيرونه لا شراشف ولا مخدات ولا مناشف بالنسبه لي ماتعودت على كذا والله اعرف الفنادق يحطون حتى تشوكلت على المخده ذول زي يحطون كفر جديد لها 



الله يفكنا منه يارب بس على خير


عاد الاسبوع الماضي رحنا المترو وشفنا فلم مره السنما تجنن والمبنى حلو وتحت كله مطاعم انصحكم بها بس المشكله العرب كثيرين


ان شاء الله بصور وبنزلها لكم لكن اصبرو شوي لما تهدأ الاوضاع 


بالتوفيق للجميع انتضر الردود علشان اكمل واي سؤال حاظرين للطيبين :gathering



استودعتكم الله الذي لا تضيع ودائعه :106:

مواضيع من نفس القسم:
رد مع اقتباس


  #2  
قديم 02-28-2015, 01:44 AM
بدر الحويل
بدر الحويل غير متصل
عضو
مسافر جديد
 
معلومات العضو
التسجيل: Feb 2015
العضوية: 24337
المشاركات: 33 [+]
بمعدل : 0.01 يوميا
اخر زياره : [+]
افتراضي

تقرير رائع

ننتضر البقية مع الصور . . .

متابع . . .

رد مع اقتباس
  #3  
قديم 02-28-2015, 01:44 AM
مسافره لـnz
مسافره لـnz غير متصل
عضو
 
معلومات العضو
التسجيل: Feb 2015
العضوية: 24541
المشاركات: 3 [+]
بمعدل : 0.00 يوميا
اخر زياره : [+]
افتراضي

مشكور على المروور


اخيرا احد رد كنت قد فقدت الامل بأن يرد احد

رد مع اقتباس
  #4  
قديم 02-28-2015, 01:44 AM
تأبر تسبدي
تأبر تسبدي غير متصل
عضو
 
معلومات العضو
التسجيل: Feb 2015
العضوية: 70503
المشاركات: 3 [+]
بمعدل : 0.00 يوميا
اخر زياره : [+]
افتراضي

متابعين معك اختي .. ورحلة موفقة ..

لاتخلين شيء ماتقولينه : )

بانتظار بقية التقرير والصوووووووور .....

رد مع اقتباس
  #5  
قديم 02-28-2015, 01:44 AM
*hend*
*hend* غير متصل
عضو
 
معلومات العضو
التسجيل: Feb 2015
العضوية: 579
المشاركات: 2 [+]
بمعدل : 0.00 يوميا
اخر زياره : [+]
افتراضي

بداية رائعه.. متابعين...

رد مع اقتباس
  #6  
قديم 02-28-2015, 01:44 AM
ahmad
ahmad غير متصل
عضو
مسافر جديد
 
معلومات العضو
التسجيل: Feb 2015
العضوية: 14047
المشاركات: 21 [+]
بمعدل : 0.01 يوميا
اخر زياره : [+]
افتراضي

المشاركة الأصلية كتبت بواسطة مسافره لـnz مشكور على المروور


اخيرا احد رد كنت قد فقدت الامل بأن يرد احد :101:

هذا لأن الموضـوع في قسم التقـارير المصـورة وأغلـب الأعضـاء خصوصـاً الخبـراء مايدخلون هـ القسـم إلا قليـلاً ..
فـ إسمحيلـي بـ نقـل الموضوع إلى صـدر البوابـة ..

حقيقةً لم أقـرأ التقريـر كامـلاً , لكن وعد بإذن الله راح أرجـع وأقـراه من أول وراح أكون متابـع ..


وهذا موضـوع ممكـن يساعـدكِ في إعـداد التقـرير بـ الشكـل المطلـوب ..
https://travel.maktoob.com/vb/travel247973/


تحيــــــــــاتي ,,[/COLOR][/SIZE]

رد مع اقتباس
  #7  
قديم 02-28-2015, 01:44 AM
مسافره لـnz
مسافره لـnz غير متصل
عضو
 
معلومات العضو
التسجيل: Feb 2015
العضوية: 24541
المشاركات: 3 [+]
بمعدل : 0.00 يوميا
اخر زياره : [+]
افتراضي

المشاركة الأصلية كتبت بواسطة تأبر تسبدي متابعين معك اختي .. ورحلة موفقة ..

لاتخلين شيء ماتقولينه : )

بانتظار بقية التقرير والصوووووووور .....
اهلين مشكور اخوي :101:

ان شاء الله مارح اخلي شي بقلبي تطمن :109:

رد مع اقتباس
  #8  
قديم 02-28-2015, 01:44 AM
the power
the power غير متصل
عضو
 
معلومات العضو
التسجيل: Feb 2015
العضوية: 74944
المشاركات: 1 [+]
بمعدل : 0.00 يوميا
اخر زياره : [+]
افتراضي

بداية رائعمة

متابعين

ولاتنسين الصور

رد مع اقتباس
  #9  
قديم 02-28-2015, 01:44 AM
أبو ياسر الخبر
أبو ياسر الخبر غير متصل
عضو
 
معلومات العضو
التسجيل: Feb 2015
العضوية: 74946
المشاركات: 1 [+]
بمعدل : 0.00 يوميا
اخر زياره : [+]
افتراضي

متابعين
بداايه حلووه ننتظر الصووور
و الله يوفقكم

رد مع اقتباس
  #10  
قديم 01-09-2016, 02:06 PM
فاطمة
فاطمة غير متصل
مشرفة بوابة المغرب
 
معلومات العضو
التسجيل: Mar 2015
العضوية: 96454
المشاركات: 8,430 [+]
بمعدل : 3.77 يوميا
اخر زياره : [+]
افتراضي

شكراااااااااااااااااااا

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 09:28 PM.


بدعم من vBulletin
الحقوق محفوظة لـ ©2000 - 2021، Jelsoft Enterprises Ltd


Search Engine Friendly URLs by vBSEO 3.6.1