العودة   منتدى العرب المسافرون الحقيقي > بوابات السفر الى أمريكا وكندا واستراليا و البرازيل والدول الأفريقية > بوابة السفر الى نيوزيلندا New Zealand > بوابة تقارير نيوزيلندا السياحية


إضافة رد
 
أدوات الموضوع انواع عرض الموضوع
  #1  
قديم 02-27-2015, 09:26 PM
T.R.A.N.Z.I.T
T.R.A.N.Z.I.T غير متصل
عضو
مسافر متميز
الصورة الرمزية T.R.A.N.Z.I.T
 
معلومات العضو
التسجيل: Feb 2015
العضوية: 8432
المشاركات: 273 [+]
بمعدل : 0.13 يوميا
اخر زياره : [+]
الجنس: ذكر
الجنس : 1
الدوله : الرياض
افتراضي تقريري .. الى سحــر نيوز لندا .. دراسه + سكن مع عائله // لاتلوح للمسافر المسافر راح//



السلام عليكم ورحمة الله وبركاته


راح اقولكم ياعيال ويابنات تفاصيل رحتلي الى نيوز لندا من طقطق الى السلام عليكم ...


في البدايه رشحوني عملي لدوره لمدة ثلاث شهور مدفوعة التكاليف اي يعني مدفوعة الرواتب لمدة ثلاث اشهر .. فا الحمدلله بعد الترشيح والخ الخ .. تم تحديد لي 3 دول نيوزلندا و وكندا وامريكا

فاتم الاختيار على نيوز لندا بعد تفكير طويل اخذ مني قرابت الشهر من مشاورات واستفسار والخ الخ


وبعد الاتفاق مع نفسي قررت السفر الى نيوز لندا

وبدت رحلة البحث عن التذاكر في المكاتب والقلق والي يقولك 6000 والي يقولك 5000
فا الزبده عشان مااغثكم وماابثركم تم اختيار طيران الكاثي باسفك
الي هو طبعاص الطيران الصيني .. طبعاً طيران محترم واخذت التذكره بحدود 5500 ريال

وتم ولله الحمد قص التذكره وتحديد موعد الرحله ...


وابتدى وقت شراء الملابس .. والروحات والجيات والاتصالات من قبل اشخاص في المنتدى راح اعددهم لكم وهم لهم الفضل الكبير في تسهل اموري في نيوز لندا

طبعاً اخوكم ماخلى ماكان ماطبه في اسواق الرياض ومافيه ملابس شتويه الا شريتها لان تخبرون نيوز لندا كان عندهم شتاء يعني مطر وثلج وبرد والي تبون


شرينا الملابس وشرينا العطور وغيرنا النظارات
ورحت لطيبه والعويس وتم شراء 8 بجائم داخليه على اساس امي القصيميه موصيتني اروح اشتريها من هناك


طبعاً كانت رحلتي مابقى عليها الا كم يوم واسافر .. وبعد هذا كله بدو الربع يتوافدون علي وعزايم والخ الخ على اساس اني انا يعني الي يجمع العيال دايم والتكيه دايم تكون عندي

المهم بعد مابقى على السفر يومين بديت ارتب اغراضي واضبط الشنطه

في هذا الوقت كانت الوالده تترقب الاوضاع وتناظرني وانا راحي وجاي وكنها حاقده علي بس مدري ليش فا تخبرون قلب الام شو بيعمل في هل الوقت

المهم رتبت الشنطه وجهزتها وصرت اشيك على اموري الماليه واموري المعنويه والنفسيه وبديت اشيك على المواقع الخاصه في السفر والنصايح والخ

وعشان ابراء الذمه موقع العرب المسافرون فادني كثيررر مره مره
وخاصتاً بوابة نيوز لندا ماقصرو في معلوماته وتقاريرهم وكلش جزاهم الله خير


قربت الرحله وباقي يوم على السفر

ونبضات قلبي تتسارع

وتتسارع


وتتسارع

وتتسارع
وتتسارع


وتوووووقفت


جاء موعد وداع الوالده

طبعاً انا من النوع الي ماعمري هلت الدمعه مني في مواقف زي كيذا لاكن هل المره حاولت اني ماابكي قدام الوالده لاني ماحب هل المواقف ابد

ودعت الوالده وكن واحد قاطع مني ضلع


طلعت من البيت وجاء اخوي خلووود يسمكني مع رجولي ويقولي وين بتروووح

انا هنا ماقدرت امسك نفسي وحضنته وبكيت شوي وانا مستغرب من نفسي كيف بكيت قدام طفل صغير عمره لايتعدى الـ 5 سنوات

لاكن عرفت انها البتاعه الي قسمت ضهر البعير

مشيت وقفيت وخليت كل العالم وراي .. المستقبل .. المستقبل .. ولقة العيش الكريمه

هي السبب هي السبب


ركبة مع العيال بسياره وكلهم يضحكون معي وسواليف وذب وانا معاهم ومو معاهم مومصدق اني ببعد عن اهلي فتره طووويلــه ..كيف كيذا

هل انا صح الي سويته ولا خطأ .. ماعمري ترددت بشي او اعدت التفكير في موضوع الا هل الموضوووع ..


عموماً وصلت مطار الملك خالد الدولي .. والعيال ينزلون عني الشنطه


وانا واقف اناظرهم وعارف اني بشتاق لهم

حطو الشنطه ودخلو معاي جوى المطار ووصلنا الى الحد الممنوع فيه الدخول الاللمسافرين

وقتها قالي العسكري خلاص انت رح وهم يرجعون قلت له يبن الحلال خلهم يجوون معي تكفى عيا قال النظام نظام

واناظر العيال واشوف عيوننهم يعني مقدر اوصف او اعبر بس ناظرت في عيونهم وقالي واحد منهم خلاص يا ابو احمد بتخلينا

قلت لهم ياعيال ترى الي فيني يكفيني لاتزود جرحي ترى جرحي بليغ


جو كلهم فجأه وحضنوني وضمووني ودموعهم تسبقهم

وانا لاحول لي ولاقوه كانو اربعه وكلهم يبون اتكلم وانا اصلن على جرييف مابي اقول شي عشان ماابكي دفيتهم وقلت لهم خلاص روحو


ومشييييييييييييييت ومشييييييييييييييت ولا التفت


وبعد كيذا وانا ماشي جووو ناس ثانين اعرفهم ونادوني عشان ارجع اسلم عليهم

اقول في نفسي وش ذي السفره الي كلها صياح


رجعت وسلمت عليهم وانا دمووعي على خدي شلاللللللل


خلصت ورحت انتظر الرحله في صالة الانتظار



وطبعا وانا انتظر راح اوريكم معالم نيوز لندا ومعلومات عنها






هذي خريطة نيوز لندا وموضح فيها معالمها بي العربي






وهنا بوريكم معالم نيوز لندا وصور لها قبل مانتعمق






هذي الصوره الثانيه






هذي صور مقتطفات لنيوزيلند


راح اخليكم الحين وبكمل ردي بعض شوي لان عندي بريك الحين

وتابعو مووضعي من الردود لاهنتم

مواضيع من نفس القسم:
رد مع اقتباس


  #2  
قديم 02-28-2015, 01:45 AM
شرق و شرق
شرق و شرق غير متصل
عضو
مسافر متميز
 
معلومات العضو
التسجيل: Feb 2015
العضوية: 70036
المشاركات: 101 [+]
بمعدل : 0.05 يوميا
اخر زياره : [+]
افتراضي

ههههههههههههههه خنقتني العبرة على موقفك مع امك الله يخليها لك .

" بداية ماشالله موفقه ومشوقه , أسلوب مرررره حلو ورائع , , ياريت توضح التاريخ اللي كنت موجود فيه هناااك او انك لسه مارجعت ياخوي ؟

تقبل مروري وسجلني اول راكب في الرحلة .

رد مع اقتباس
  #3  
قديم 02-28-2015, 01:45 AM
المظلوووم
المظلوووم غير متصل
عضو
مسافر متميز
 
معلومات العضو
التسجيل: Feb 2015
العضوية: 9852
المشاركات: 499 [+]
بمعدل : 0.24 يوميا
اخر زياره : [+]
افتراضي

ما شاء الله

بداية كأنها تقول أن هالتقرير بيكون بطل

واصل



|||||

من بعد أذنك .. تم نقل الموضوع لـ بوابة نيوزلندا الرئيسية عشان ياخذ حقه في الردود والمشاهدة

|||||

رد مع اقتباس
  #4  
قديم 02-28-2015, 01:45 AM
BUSHARAF
BUSHARAF غير متصل
عضو
مسافر متميز
 
معلومات العضو
التسجيل: Feb 2015
العضوية: 7422
المشاركات: 229 [+]
بمعدل : 0.11 يوميا
اخر زياره : [+]
افتراضي

أللللللللللللحق وبسررررررررررررعة ،،،، سجلني في الصفوف الأولى قبل ما تمتليء.

تقارير نيوزلندا ما أمل منها رغم إني لم أزر البلد مطلقاً.

لا تطول علينا تكفى ،،، متابع.

رد مع اقتباس
  #5  
قديم 02-28-2015, 01:45 AM
الإكوادوري
الإكوادوري غير متصل
عضو
مسافر متميز
 
معلومات العضو
التسجيل: Feb 2015
العضوية: 3732
المشاركات: 115 [+]
بمعدل : 0.06 يوميا
اخر زياره : [+]
افتراضي

سجلني من اشد المتابعين

وموفق اخوي ترانزيت

رد مع اقتباس
  #6  
قديم 02-28-2015, 01:45 AM
مسافر لنيوزيلندا
مسافر لنيوزيلندا غير متصل
عضو
مسافر جديد
 
معلومات العضو
التسجيل: Feb 2015
العضوية: 74775
المشاركات: 14 [+]
بمعدل : 0.01 يوميا
اخر زياره : [+]
افتراضي

اخوي ، والله بدايه جميله ، والشغل فيه حماس



بس لاهنت سالفة الكاثي باسفك ( الصيني ) من جنب الاحترام ههههه

تعبانه جدا .. والله يعيني بارجع بها

رد مع اقتباس
  #7  
قديم 02-28-2015, 01:45 AM
T.R.A.N.Z.I.T
T.R.A.N.Z.I.T غير متصل
عضو
مسافر متميز
الصورة الرمزية T.R.A.N.Z.I.T
 
معلومات العضو
التسجيل: Feb 2015
العضوية: 8432
المشاركات: 273 [+]
بمعدل : 0.13 يوميا
اخر زياره : [+]
الجنس: ذكر
الجنس : 1
الدوله : الرياض
افتراضي

معليش على التاخير ياربع


المهم كان باقي على رحلتي قرابة النص ساعه

وانا متوتر لأبعد درجه وانا اقول في نفسي يبن الحلال اذكر الله وتعوذ من ابليس
اول مره اشوف نفسي متوتر بهشكل قلت لنفسي اخلني اروح اصلي لي ركعتين كوود ان الله يفرج همي

رحت وصليت وتعوذت من ابليس وبعدها شافني واحد مطوووع وقعد ينصحني وكيذا وانتبه لنفسك والخ الخ قلت له جزاك الله خير .. وشكراً


وقمت المهم جلس جمبي واحد دكتور يسولف علي وين بتروح ووش بتسوي تخبرون بثارة السعوديين قلته بدرس والخ ودوره

قالي تدري ان الطيران الصيني هو اكثر طيران حوادث .. فجأه التفت عليه ..
قلت له وش تقول قالي ايه والله ياما طيارات طاحت من هل الخطوط ..

ناظرت فيه قلت له من جدك قالي ايه قلت وش دراك ومن وين جايب هل المعلومات قالي انا ادري واعرف هل الخطوط المهم قل له يبن الحلال تعوذ من ابليس انا بركب هطياره الحين .. قالي انا قلت لك وانت بكيفك

قلت لنفسي لحوووول القاها منك ولامن اخوياي ولا من اهلي ..

وش ذي السفره الي كلها قلق ..
جاء في بالي قلت ياخوي ماعاد ابي اسافر ابي الفكه بس

المهم فتحو بوابة الطياره واعلنو على الرحله الي متوجهه الى هونج كونج

لان انا اصلن خط رحلتي كتالي

الرياض - هونج كونج

هونج كونج - اوكلند

طبعاً الرحله تستغرق من الرياض الى الصين تقريباً 10 ساعات
ومن هونج كونج الى نيوز لندا 12 ساعه

يعني المجموع كله 22 ساعه


يعني ماعي تعب ومعاي فكك ومعاي نوم


ونفس ذاك الوقت كنت مسافر في رمضان كان باقي على رمضان حوالي 8 ايام وينتهي

المهم ركبت الطياره وتوكلة على الله


ونادى الكابتن اربطو الاحززززمه انطلااااااااااااااااااااااااااااااااق



طبعاً مااخفيكم ياعيال امتزجت مشاعر الفرررح ومع الحزن لاكن من بعد مااقلعت الطياره اموري زانت وانبسطت شوي

قمت افتح الشاشه حقت الطياره واتفرج على الافلام والحركات وصديقكم زقرت ماله ولا عليه مستريح البال لا قيلاً وقال شاري الراحه ومالي بل هموم


المهم وانا اتفرج على الافلام جاء ذاك الدكتور وقالي تسمح لي اقعد جمبك

قلت افا عليك حياك الله قمت وجاء قعد جمبي ويسولف ويخربط

ووش اخبارك وشلونك وش علومك بخير امورك زينه اخبار الاهل << صدع راسي

وانا ارد طيبين الله يسلمك طيبين الله يسلمك وش اخبارك الله يسلمك الله يسلمك الحمدلله وانت وش مسوي الله يسلمك


وبعد هل الاستلام ديور علي بهجمه مرتده مباغته وانفررد فيني وقال زي كيذا والله ياعيال وهو لابس النظاره

قال .. هل تعلم ان المحيط الهادئ هو اخطــر محيط في العالم . . قلت له لا والله مدري

شلون يعني اخطر محيط قالي ياصديقي انا اثقفك اكثر

ناظرت فيه قلت ايه اسلم سلون مافهمت قصدك


قالي جميع الطائرات تسقط في المحيط الهادئ ..


قلت يبن الحلال وش فيك انت علي يوم احد مسلطك علي


قالي يازقرت انا ابيك تقوي قلبك .. قلت له يبن الحلال وش اقوي قلبي هذا موت تراك لعبت في نفسيتي اسكت تكفى وغير الموضوع



المهم سكت وقال بكيفك بس لاتجي تسألني مره ثانيه عن الحوادث الجويه


قلت له يبن الحلال منيب سألك رووح بس الله يستر عليك


ابشركم ياعيال الرجال راح من هنا وانا الي قمت اوسوس من هنا

واقول في نفسي انا وش خلاني اروح لنيوز لندا والله لوقاعد برياض اشررف واحسن


المهم جاني النوم ونمت طبعاً النومه بايخه كل شوي قايم مرتاع خايف الطياره تطيح

وبعد 5 ساعات من النوم المتقطع جت المضيفه وقالت لي hiiiiiiiiiiiiiii

قلت لها هلا والله .. ناظرتي قلت له سوري معليش نسيت حطت لي الاكل

وراحت وانا اتفرج على الافلام والاغاني والقلق


####



اوقف هنا شوي لاني تعبت
بكمل لكم بعد شوي

واقولكم ووش صار مع البنت اليابانيه ووش ضار في مطااار هونج كونج

رد مع اقتباس
  #8  
قديم 02-28-2015, 01:45 AM
T.R.A.N.Z.I.T
T.R.A.N.Z.I.T غير متصل
عضو
مسافر متميز
الصورة الرمزية T.R.A.N.Z.I.T
 
معلومات العضو
التسجيل: Feb 2015
العضوية: 8432
المشاركات: 273 [+]
بمعدل : 0.13 يوميا
اخر زياره : [+]
الجنس: ذكر
الجنس : 1
الدوله : الرياض
افتراضي

للمعلوميه تقريري انا قسمته على العرب المسافرون ومنتدى ثاني ..عشان تصيرون بصوره ^_^


وقبل ماكمل احب اشكر المظلوم .. واشكر الحر الجريئ وباقيي الشباب ماقصرو ساعدووني كثير برحلتي

مع اني ضيقت صدورهم وانبرشت عليهم بس لاهنتم سامحوني

شويات وانزل الباقي

رد مع اقتباس
  #9  
قديم 02-28-2015, 01:45 AM
شرق و شرق
شرق و شرق غير متصل
عضو
مسافر متميز
 
معلومات العضو
التسجيل: Feb 2015
العضوية: 70036
المشاركات: 101 [+]
بمعدل : 0.05 يوميا
اخر زياره : [+]
افتراضي

متابعين لاكن ذا السيناريوا كأني شايفه في فيلم لمحمد هنيدي وكان لنفس الخطوط شكلها فعلاً مشهوره بذا الشي &quot; الله يستر على اخواننا واحبابنا من هالخطوط &quot;
تقبل مروري , ,

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 01:04 PM.


بدعم من vBulletin
الحقوق محفوظة لـ ©2000 - 2020، Jelsoft Enterprises Ltd


Search Engine Friendly URLs by vBSEO 3.6.1