العودة   منتدى العرب المسافرون الحقيقي > بوابات السفر الى أمريكا وكندا واستراليا و البرازيل والدول الأفريقية > بوابة السفر إلى كندا Canada > بوابة تقارير كندا السياحية


إضافة رد
 
أدوات الموضوع انواع عرض الموضوع
  #1  
قديم 02-27-2015, 09:25 PM
فارس فانكوفر
فارس فانكوفر غير متصل
عضو
 
معلومات العضو
التسجيل: Feb 2015
العضوية: 23011
المشاركات: 8 [+]
بمعدل : 0.00 يوميا
اخر زياره : [+]
افتراضي تقريري عن فانكوفر (فارس)



بسم الله الرحمن الرحيم

حيا الله كل من يشوف الموضوع سواء كان يزامن كتابتي او بعدها ببضع اشهر او سنوات ،،
اكتب عن معشوقتي التي لها سنوات اداعبها ،، واسامرها ،، وكنت اتمنى ان الامسها واتنفس هواها ،، انها فانكوفر التي يخطئ العرب كثيرا في نطق اسمها ولكن يجمعون على جمالها .

لن اطالب احدا بالتفاعل لأنكم أهل لذلك ،، وان كان يسعدني حماسكم كمؤشر ودافع مؤقت لأكمال المسيره .

سيكون الموضوع عبارة عن نظرة شاملة من زاية تفكير الشباب حول المدينة ، ونظرة العائلة للمدينة . ونظرة عامه عن اهم مافيها. قرأت كثيرا عنها والان انا اكتب واتمنى من الله ان يهئ لي الاجمل كي اسرده لكم .

القصه فيها كثيرا المواقف الجميلة حتى الان .
ويوجد فيها صور منذ وجودي في المطار , لكي اشبع رغباتكم وشوقكم احبتي ..


لنا ملتقى ان شاء الله غدا مع محاولتي لتقديم موعد المعهد الي هبلت فيهم مره اقدمه ومره أخره ههههه

تصبحون على خير .

مواضيع من نفس القسم:
رد مع اقتباس


  #2  
قديم 02-28-2015, 01:25 AM
chandler
chandler غير متصل
عضو
مسافر جديد
 
معلومات العضو
التسجيل: Feb 2015
العضوية: 24260
المشاركات: 14 [+]
بمعدل : 0.01 يوميا
اخر زياره : [+]
افتراضي

منتظرين تقريرك اخوي ..

بالرغم اني ابد موب حول فانكوفر ..

رحلتي لـ هاميلتون ان شاء الله

لكن سجلني متابع معك

رد مع اقتباس
  #3  
قديم 02-28-2015, 01:25 AM
فارس فانكوفر
فارس فانكوفر غير متصل
عضو
 
معلومات العضو
التسجيل: Feb 2015
العضوية: 23011
المشاركات: 8 [+]
بمعدل : 0.00 يوميا
اخر زياره : [+]
افتراضي

خلونا نبدا << شعارنا هههه

في بداية الموضوع ، انا رايح هناك لفنكوفر لاني قربت اخلص جامعتي الي ما بغت تخلص خخخخ ،، وبروح استكشف الجامعات الي غالبا انا ما انصح الدراسة فيها إلا لأشخاص يعشقون الكتاب والعلم بشكل عميق جدا ، فدراستها تختلف عن امريكا وجميع الدول ، من حيث المتانه والصعوبه اذا صح التعبير .

قدمنا على الفيزا بعد تشجيع من الاهل واستاذان العمل ، هذا الكلام قبل الصيف بشهر وشوي ، كنت اسال عن التذاكر كانت تتراوح بين 7 الى 8 ، اللاف ريال سعودي .

قدمت على الفيزا ،، وتلقون الابلكيشن في ارامكس الي في مخرج 5 ، تعبونه وتحطون الطلبات حقتهم .
تفاجأت انهم رجعولي الاوراق .!! لان فيها نقص !

النقص لم اجده مكتوب في طلباتهم واسال احد الموظفين كنه لمحلي انه بكل ترجيعه يستفيدون هم لان لهم نسبه من الارامكس !

انصحكم تضعون كل الطلبات بالتفصيل !
اضافة الى اخر شهادة حصلت عليها مترجمه .! وهذا الشي الي رجعوا الاوراق عشانه مع الشهادة البنكيه لحساب الوالد مثلا انتبهوا للصياغه ، البنوك غالبا تكتب تاريخ فتح الحساب + كم فيه من سيوله .. لكن الاهم انك تضيف عبارة .

انه الوالد يتكفل بتكاليف حساب دراسة ابنه وتذكر اسمك .

من ناحيتي انا قفلت معي ،، عطيتهم شهادة الثوني مع برنت للسجل الاكاديمي حقي مع الشهاده البنكيه حقت ابوي واضفت العباره وجبت حتى تعريف براتب امي !! << يعني خلااااااااااااااص هههههه


والله وتجيني رسالة من السفارة الكندية قالت اوكي وصلت الاوراق وراح نرد لك على ال9 او 10 جون !

انا مقرر اسافر يوم 20 جون

وصرت اراقب اسعار التذاكر كل مالها ترتفع

جاء يوم 9 وكان يصادف اربعاء بعدين جاء 10 وكان خميس ولا كلموني !!! والله وارسل ايميل للسفارة والي كنت اعرفه انه يومين ويردون عليك !! انتظرت الخميس والجمعه وبديت اقلق ! مره وادق على السفارة يوم السبت الظهر فعلموني انهم خميس وجمعه ما نرد لانه ما نشتغل فبنرد عليك بكرى او بعده .. فتخيلوا مشاعري وانا لي فترة ادور واقرا وابحث وحبي الكبير لهالبلد ...الخ واخرتها مدري وش يصير ولكن متوكل على رب العالمين ..

شوي الا يدقون علي يوم الاحد قالولي ارامكس تعال ! جاك شي من السفارة // طيب وشي ؟ ما يقدرون يفتحونها

وكنت مواصل توني طالع من اختباري النهائي واسالهم متى بتجبونها ؟ قالوا العصر

ومن الحماس ما اقدر انتظر واروحلهم لمخرج 16 .

والقى الاوراق كلها ماخذينها السفارة ورجعولي جوازي عليه الفيزا ^_^ يسسسسسسسسسسس

<< ابو الفرس مبوسط وراجع وماغير يعزم اخوياه ههههه << راحت الميزانية

والله ونطلع على البرتش وكان الترانزيت على لندن وقصتها غاليه والله شوي .

حدود 9 .. كنت اسمع سوالف مررررره كثيره عن مطار هثروا انا بصراحه ما انصح احد يروحله الا واحد معه انجليزي زين

او يحب المغامره وعنده متسع من الوقت يجلس فيه بالترانزيت هناك بعلمكم ايش صارلي في التفتيش

المره الجايه

رد مع اقتباس
  #4  
قديم 02-28-2015, 01:25 AM
sabemoooooon
sabemoooooon غير متصل
عضو
مسافر جديد
 
معلومات العضو
التسجيل: Feb 2015
العضوية: 62608
المشاركات: 36 [+]
بمعدل : 0.02 يوميا
اخر زياره : [+]
افتراضي

مرحبا فارس
سجلنا من المتابعين وبقوه
ياحبني لهالبلد
على قد ماعزبتني تأشيرتهم وسارتلي حوووووسه مع تأشيرت كندا واترفضت تلات مرات ورجعتلي مرتين
وفي الاخير ظرف جاااامد منعني من السفر والوزاره معنده معايا
إلى اني مازلت امووووت عليها
ومازلت ابغا اطلع لها تاني اشوف ايش النهايه مع الملحقيه والوزاره


بس بسألك مسيو فارس
تأشيرتك دراسه او سياحه
لانو غريبه ماجبت سيره لي كشف طبي

عموما اتمنى لك التوفيق

ولا تنسا تكمل ترا انتظرك جبت فشار وشبس وشوكولاته وكل الي يحبو قلبك
خد الي يعجبك بس كتر صور لمعشوقتي


تحياتي
سبو

رد مع اقتباس
  #5  
قديم 02-28-2015, 01:25 AM
lolotravel
lolotravel غير متصل
عضو
مسافر جديد
 
معلومات العضو
التسجيل: Feb 2015
العضوية: 24288
المشاركات: 10 [+]
بمعدل : 0.00 يوميا
اخر زياره : [+]
افتراضي

ماشاء الله اخوي فارس بدايه مشوقه بس لا تطول علينا في الاجزاء التاليه الله يخليك .....سجلني من المتابعين لك

رد مع اقتباس
  #6  
قديم 02-28-2015, 01:25 AM
فارس فانكوفر
فارس فانكوفر غير متصل
عضو
 
معلومات العضو
التسجيل: Feb 2015
العضوية: 23011
المشاركات: 8 [+]
بمعدل : 0.00 يوميا
اخر زياره : [+]
افتراضي

هلا اخوي سيبيمون .. يامرحبا فيك ،، فيزتي دراسية 6 شهور بس .
حقت لغة انجليزيه ^_^

<<خلونا نبدا (شعارنا ) << بينشبلكم ههه


قربت وقت السفرية وانا لي فترة ما شفت ابوي لانه له فترة مسافر هههه << العائلة كلهم حقت سفريات

وتخيلوا ظروف الاختبارات النهائية ولك فترة ماشفت ابوك ،، كان كل الخوف اني اسافر ولا شفته ,, دق علي قالي حجزت الثلاثاء وانا سفريتي الاثنين

قلت اوكي ... اهم شي اشوفك .

والله واروح للدوام ينشبلي المدير حقي ههههه قالي اسمع لازم تروح معنا !!!!!!! يابن الحلال فكني وراي سفرية .

قال لا لازم تروح معنا لمصر عندنا شغل هناك ومنها تستفيد .. ماليا ولا راح نطول !!!

والله ياجماعة الخير كنت محتار مره.. اروح واخذ قرشين يمكن تفيدني ولا اسحب عليهم هههه خصوصا ان فنكوفر اغلى ضرائب عندها وراح توصل الى 12% وقرورة الموية ابو ريال عندهم تقريبا بي 2.5 دولار يعني 9.25 ريال !!!!!

واصلا المبلغ الي باخذه مهوب جاي الا جزء من قيمة التذكره ^_^

استخرت وغيرت وجهتي لمصر وكلمت المعهد قلتلهم بتأخر يومين قالولي لا بنخليك تبدا بالاسبوع الي بعده قلت اوكي

وكان ترتيبي على النحو التالي .. 3 جولاي اخلص من مصر 4 جولاي لازم اسافر لان 5 دراستي


كنت قلقان الوضع صعب ومافيه وقت كثير .

انتظروا انا الان الحين بالرياض استنى ابوي ههههه جاء يوم الثلاثاء ،، وما جاء ابوي تأجلت رحلته الى الخميس !!

بس الحمدلله كان فيه وقت اني اشوفه ،، رحلتي انا الاثنين . وشفت ابوي والله ياهي تسوى الدنيا ومافيها

والحمدلله شفت اغلب اخوياي خاصة يوم الاحد ليلة الاثنين قبل سفريتي لمصر كانت حفله هههههه

ماقصروا العيال رحنا للمطار مواصلين الساعه 7 ونص من اليوم الي قبل قبله << كانت عندنا اختبارات وتصادف ان الرحله تاجلت حقت مصر << ياليل ابو لمبه


فليناها كلنا فاصلين نبي ننام هههههههه وصادفت معي حاجه تلخبطت فيها لخبطه وسبحان الله طلع تاخر الرحله خيره

كل شي جايبه الا بطاقة الصراف ( تخيلوا )

وانهبل واخوي كان توه واصل البيت .. واقوله دور على البوك الثاني << بوك ولا لبشكري ؟

ماعلينا .. جابه وهو كله نوم مواصل يا حياتي هو .. يوم جاء ولا القى بطاقتي !!!!!!!!!!!!!!!!

ولا فيه مجال اسال وينها وكيف !! مخي انخبص ،، وكلمت واحد من العيال الخبره في هالامور وهنا تجي فائدة المستشار الامين هههه << وش عنده عبدالرحمن بن مساعد

والله ويقولي رح اخر المطار فيه بنك الراجحي يطلعون لك بطاقتك بغرامة 75 ريال
قلت وماله لو وقتها قالي 1000 لعطيه


وتتسهل الامور وصار تاخر هالرحله خيره لي ^_^




وصلنا مصر وخلنا قبل 3 جولاي هههههه خلصنا يوم 24 جون تخيلوا !! والله قالوا خلاص بنكنسل الفندق .. يعني لو بغيت انتظر حجزي بدفع حق 10 ايام !!!!!! غير المصروف اليد

قلت مابدهاااااشي رح وقدم الحجز وجت يامهنا على ما تتمنى ،،، واروح لمكتب الخطوط وتقولي البنت فيه بكرى

بس بتدفع فرق 550 ريال هنا والباقي في المطار .. 120 للتذكرة

يالله انا قاصها غاليه وبقعد ادفع زود !!!!!!!

راعي المكتب الي جنبها قالي ترا بيسرقونك !! لان مكتب الخطوط مقفل وفلوسك ماراح توصلهم


وتتعرفون نظام مصر كل واحد يعطيك فلم


قلت ياولد تاخذ 550 وادفع في المطار 120 واعرف اني مزروف شوي ولا اقعد في مصر وادفع اكثر منهم


واتوكل على الله واقص التذكره وارسل رسالة سريعه لخويي على الايميل قلتله تراني بجي لفنكوفر


رحت المطار ،، وادور مكتب البرتش ،، واروحلهم وجاء قالي فارس البنت حجزتلك لكن ماجتنا الفلوس !!!!!!!!!!


وانهبل !! وقالي لازم تدفع 500 ريال !!

ويوريني بالكمبيوتر انه ماجاهم الفلوس


والله وادق على العيال الي بيقعدون بمصر زيادة يوم فهمتهم الوضع قلت تكفون لا تخلونا بنت الايه !!


والله ياجماعو صارت دربكه عدلوا تذكرتي وبالطقاق ركبوني الطيارة هههههه


الغريب جايه تعليمات لمطار مصر اي واحد بيركب على البرتش لازم يتفتش مضبوط حتى نعاله وانتم بكرامه !!!


قلنا اوكي .


يوم وصلنا مطار هثروا الحبيب

شباب تراااااااااااااااااااااااااااااااااااااااااااااااا ااااااااااااااااااااااااااه كبيررررررررررررررررررررررررررررررررررررررررررررررر رررررررر مرررررررررررررررررررررررررررره


ولا احد يقدر يتخيل كبره الى الي راحله ،، بعدين مو سالفة كبير وبس .. سالفة فيه قطارات ولخبطه يعني الي بيضيع

افلقني لا رجع هههههههه


وننزل في هيثروا ،، وكل العالم صارت تركض في الممرات وانا وراهم << ويركبون القطار ووراهم ،، ويركضون بالدرج الكهربائي ووراهم هههههه

الما وصلنا مكان الجوازات هنا يختلف الوضع الي بيدخل بيرطانيا يروح يسار والثانين يمين ..فانا رحت يمين لان بريطانيا ماهي الاترازيت

وصلنا عند التفتيش ،، تفتيش بريطانيا جعلهم ما يشكون فيك ،، ياجماعة توصل عند نقطة التفتيش فيه علب كثيرررره مره

كل صنف من الاصناف الي حاملها معك حطها في حاوية !! مثلا السوائل بحاوية واللاب توب بحاويه وشنطته بحاوية ........... فيه تقريبا 13 صنف او 12 يعني تخيلوا زحمة وبسرعه حط كل شي الحال

غير تفتيش انك تنزل كل شي معك قبل ما تدخل الجهاز << مثل تفتيش السعوديه

لعلي دخلت وطلعت الموية . لانها تعتبر سوائل ويسالني الرجال معك سؤائل ثانيه قلت ما اتوقع

والله ويلقون علبة طيب !! وموية ناسيها انا هههههه ياليل ابو لمبه

غير اني داخل جوا الالة وما فصخت حزامي .. وسعودي ،، خلااااااااااااااااااص


والله ويسون فيني النون ومايعلون بس بأدب هههههه جنب الجهاز صار يفتشني بيده يلمس التيشرت والجينز !!! كل شي

مثل ماسوو بواحد من اعضاء فرقة باك ستريت بويز ببرنامج بانك اذا شفتوه صاروا يتسهبلون عليه ويتفشونه بقوه

بس الفرق بيني وبينه ذاك فصخوا سرواله وانا لا والحمدلله جت سليمه ههههه


طبعا لكم ان تتخيلوا حللوا الطيب والمويه الثانيه الي لقوها معي رموها وشفت الحرمه ، اخررر شي تقلب ساعتي تقلبها تقلبها وتناظرها انا كان ودي اللطف الجو بعد الخربطه الي صارت فبغيت اقولها اعجبتك الساعه !!

فالحمدلله اني ما تكلمت ،، لقيتها قالت الحين ليش توقيتها يختلف عن توقيت لندن <<< الاخ شااااااااااااااااااكه

بغيت اقولها مسويه انتي نزار الي بطاش ما طاش عندك حدس !!!!

فقلتها سوووووووو ؟؟؟

انا جاي من مصر وفيها توقيت مصر ،، بعدين شوفي بالايفون حقي كل توقيت دول العالم ؟؟؟؟

حست انها غبية قالت اوكي خلاص تقدر تروح


والحمدلللللللللللللللللللللللللللللللللللللللللللل له


كان طاقم الرحله الي جاين من مصر مخيسيين بشكل عام والي راكبين معنا مصارية وبريطانيين كلهم نفسيه


هل باقي الرحله بيصير نفس الشي ؟

وايش صار للبنت الي سرقتني !!!

وهل بمطار فنكوفر بيصيرلي نفس الشي بعد ؟


المره الجايه نعرف ^_^ << على فكرة توني قايم من النوم اليوم اول يوم لي انام مع العائلة ههههههه

ابو فلبن يحبهم قلبك هههه بغيت اموت ولدهم امس مسوي حبيب جايبله بسكوت طلع فيه حساسيه من هذا النوع


بس اشوا لحقنا عليه هههههههههههههههههههههههههههههههههههههههههههههههههه ههههههههه

اشوفكم

رد مع اقتباس
  #7  
قديم 02-28-2015, 01:25 AM
sabemoooooon
sabemoooooon غير متصل
عضو
مسافر جديد
 
معلومات العضو
التسجيل: Feb 2015
العضوية: 62608
المشاركات: 36 [+]
بمعدل : 0.02 يوميا
اخر زياره : [+]
افتراضي

اول شي انا اختك مو اخوك سويت لي زي اخواني ماينادوني إلا يابو الشباب

المهم

البريطانيين عقده
افكر اطلع على هونج كونج يمكن يكون احسن


بلييييييييييييييييييييييييييييييييز لا تنسا الصور لا تقولي ماصوت شي لازم تحط كم صوره
احب الاكشن

يالله في انتظار البقيه وبالاخص قصة الحراميه

رد مع اقتباس
  #8  
قديم 02-28-2015, 01:25 AM
فارس فانكوفر
فارس فانكوفر غير متصل
عضو
 
معلومات العضو
التسجيل: Feb 2015
العضوية: 23011
المشاركات: 8 [+]
بمعدل : 0.00 يوميا
اخر زياره : [+]
افتراضي

يا هلا وسهلا باعضاء المنتدى الطيبين

هلا والله اختي ،، اهم شي انك مبسوطه وانتي تقرين .


وهابي كنداين داي ^_^ اليوم يوم كندا مثل اليوم الوطني حقنا

اكمل سالفتي ممكن << مؤدب ههههه
وصلنا مطار هثروا وخلصنا من التفتيش القلق .. وركبنا للطيارة الثانية تبع نفس الخطوط ،، عشان نروح لفنكوفر ،، والله والطاقم نفسيتهم حلوووه ، والاكل كان مره ناااايس ،، كان فيه شغله قد سمعتها من ناسكثير ان الاشكال لا تغيرت بالطيارة وصاروا العالم شقر بعض الشباب كان يخاف كثير ويحس انه مقبل على مجهول ،،

الحمدلله ما كان عندي هالاحساس ابد ،، وكان فيه شي مره معجبني في الموضوع ولاحظته كثير انه هالناس الاجانت محترمين بشكل كبير من ناحية الاداب العامه ،

فهما يصير كل واحد يعتذر ولا يتشكر ،، اكثر شي سمعته ثانكيو ،، وسوري . وصارت هذي ثقافه ثابته في حياتهم اليومية واستمرت الحمدلله الى بعد وصولي

كان مكاني بالطيارة بالمقاعد الي في النص اربع كراسي ،، يساري رجال وحرمته كنديين يتكلمون انجليزي وفرنسي ، وكان الرجال الي جنبي ،، رجل سمين ، فصرت بين سمينين ههههههه
احس كل واحد قاص تذكرتين ههههه

الشاهد انه الي على اليسار اغلب الاوقات نايم وانا ما الومه صراحه الرحله طويله ،، جدااااااااااااااااااااااا

فكنت اقضيها بنفس قائمة الافلام الي محطوطه في الطيارة ، وغيرها من ايبود وكتب ...الخ

على اخر السفرية .. صحصح الدب الي جنبي ،، راااااااااااااااايق وبدت تحلى الجلسه

صار يسولفي على رحلاته بعد ما درى اني من السعودية .. عن دول الخليج ،، ويطلع دكتور يدرس في جامعة من جامعات الخليج ،، وصار انسان رحالة سولفلي عن جمال دول زارها ويطلع اصله من روسيا .

ويوم قربنا من فانكوفر صار يسولفلي عن جبالها وعن اعلى جبل في امريكا وعن الجزر التي تحيط بفنكوفر انسان موسوعه وازددت شوقا الى شوقي لهذه الجزيرة المدينة جميييله ،، واقتربت الطائرة من الهبوط وبدات انظر للجزر التي تاسر وبدات انظر الى السفن الشراعية .. وكلي شوق الى الهبوط مع امواج البحر .

اعذروني وقت النوم الحين قاعدين نتناقش وين نشوف مباراة البرازيل ..

وين بنشوفها .. المره الجايه ،، بنتكلم عن المطار وما بعد المطار

رد مع اقتباس
  #9  
قديم 02-28-2015, 01:25 AM
فارس فانكوفر
فارس فانكوفر غير متصل
عضو
 
معلومات العضو
التسجيل: Feb 2015
العضوية: 23011
المشاركات: 8 [+]
بمعدل : 0.00 يوميا
اخر زياره : [+]
افتراضي

معليش تاخرت عليكم اصبعي منجرح من كثر الطبخ هههههه

وصار مقلب على مبارات البرازيل بقوله لكم بوقته بس ذكروني هههههههههه

حنا طبعا الان وصلنا مطار فانكوفر ،، الحقيقه المره التي يجب ان تعرفها عن هذه البلاد ،، ان الصينين لعبتهم هناك ،، وسوف تستغرب ان الصينين اكثر من سكان البلد الاصليين ،، لدرجة انك قد تشك انك نزلت في مطار اسمه فنكوفر ،، داخل بكين !

نزلنا المطار والمطار يعتبر ملموم على بعضه مو كبير ،، ويغلب عليه الفرش الاخضر ،، هادئي بالنسبة لمطار هثروا .. الحركه السريعه في المطار ليست كمطار هثروا الناس تمشي بسكينه اكبر .. نزلنا عند الجوازات .

وكلي امل بالدخول بعد الرحله الطويله ،، كم كنت اسمع واسمع عن اناس ارجعوهم من المطار !! وفي هذه اللحظة تذكرت ان صور من الاوراق المطلوبه لم تكن معي كاوراق معهد اللغه وغيرها ،، وسالت عن الانترنت فاخبروني انه مزود في ارجاء المطار كويرلس ...

فتحت كمبيوتري ووجدت نسخه من خطاب المعهد (قبولي) ولم ادري ما افعل به !

تفاجات بمقلب رهيب ههههههه انا جيتي على فنكوفر قبل الموعد المخصص ،، فارسلت رساله لصاحبي قبلها بيوم على الايميل

تفاجات يوم فتحت الايميل ان الرساله ارسلتها من ايميلي الى ايميلي !!!!!!!!!!!!!!!!!!!!!!!!!!!!!!!! << كنت تعبان هههه


يعني ماعنده خبر انه بجي .. !! وحتى لو ان جايته الرساله الموعد الي عطوني اياه المكتب الحجز غلط ! كانت الساعه 2 ونص الوصول ،، وقايلين لي الساعه 6 ونص !!!


وزياده على كذا ما كنت اعرف عنوان خويي !!
بس كنت متاكد ان المعهد عندهم العنوان حق خويي !! ومتاكد ان المعهد لن يرد على مكالماتي ان اتصلت عليه لاننا مصادفين عطلة نهاية الاسبوع !!!!!!!!!

ماهذا الحظ !!! اكيد اني برجع ههههههههه

والله وعقلت همومي وتوكلت على الله ،، وصادفني ذلك الوجه الذي لن انساه ، قابلتني بالكاونتر فتاة شقراء وبدات تسالني !

لماذا انت هنا ...... والى متى قاعد و و و و ،، عندك اوراق المعهد ؟ قلت لا ؟ قالت وليه مهي معك ! فخرجت بمخرج انه متوقع من شدة التنظيم انه تجيكم نسخه خاصة اني مغير موعد المعهد ! فقالت متى تبدا دورتك ؟ غلطتي قلتلها 4 جولاي !!

فقالت يوم 4 يصادف ويكند !!!!!!!!!!!
انا انصدمت وقلت هذا الي اتذكر انهم ارسلولي اياه !!!
شخبطت كم شخبيطه على الورقه هههه باللون الاحمر مثل باقي المسافرين بعبارات لا تفهم وابتسمت ابتسامه مجاملة على ابتسامة تعب من كثرة المسافرين ... وقالت تستطيع ان تدخل !

اصبحنا نمشي مع مجموعة المسافرين المتجهين للصالات ،، وقبل ان تدخل هناك ..

يوجد شخص من الامن واقف يريد من المسافرين ابراز الورقة الي خططوا فيها بالاحمر .. والسر بالرموووز !!

ما ان اخرجت بطاقتي الا قالي تعاااااااااااااال يا حبيبي تعال ض8 ض8 ههههههه

العالم تمشي على طول وانت تلف يمين بصاله مع المشتبه فيهم ههههههه ،، انت وشنطتك .

طبعا انا ارتبكت يوم شفت النوعيات الي انا معهم !!

خاصة انه واحد قدامي ماسكينه مهرب شي !! من الشرق الاسويين

وكنت خايف بعد لاني جايب معي مجموعه ادويه مكلفتني الالف تكفيني لثلاث شهور << لا تحسبوني شايب ههههه

تراني شباب ومزيون ههههه ،، المهم ، خايف انها ما تدخل ، غير البهارات السعوديه الي ماكتبت عليها التاريخ لانه مفروض انه اي اكل تجيبه تكتب عليه التاريخ ويمكن يدخل ويمكن لا !!

وبدت المخاوف !! ازيدكم من الشعر بيت !! تذكرت ان كمبيوتري بحكم اني شاريه من السعوديه اكيد فيه برامج مهي اصليه
والايبود كله ملفات مهي اصليه يااااااااااااااااااااااااااااااارب ارحمنا !!!


كان التعامل راقي داخل هذه الصاله ،، لم يكن كتعامل بعض الدول للهنود في المطارات !!!
بل كان راقي .

يسالونك هل اتى احد لمساعدتك !

وصل الدور علي وطحت بيد وحده ايضا لا انساها لانها عكسسسسسسسس الفتاة الاولى الشقراء

كانت هادئة وطيبة ،، وسلكتلي كثير هههههههههههه

بحكم خبرة الشباب معلومه اعلمكم اياها لأي واحد رايح كندا !!!!!!!!!!!!
حطوها ببالكم كثيرررررررررررررررررررررر

(( كل الي يبونه ،، اثباتات تبين لهم انك انسان منت قاعد في بلدهم وتنشبلهم بسسسسسسسسسسسسسس ))

فصارت تسالني اسائلة وتروح وتجي ،، كانت اخلاق مره ،، وكنت عارف وش هم يبون واسالتها تدل على الشي هذا مثلا انت ليه جاي وش عندك بالسعوديه تسويه . فلما قلتلها باقي سنه بجامعتي لااااازم اكملها << يعني لازم ارجع هههه
هنا ارتاحت

سالت عن اوراق المعهد والحمدلله هالمره ربي اللهمني تذكررت اني ليه ما اطلعه من الايفون خاصة انه وير لس والحمدلله نجحت الخطه شافت القبول من الايفون حقي واخذت كل المعلومات وسالتني عن عنوان صديقي قلت ما اتذكره زين !!

ويطلع مكتوب بنفس ورقة المعهد ( الحمدلله يارب بدت تتسهل الامور ) لانه هو الي جابلي القبول فكاتبين عنوانه بنفس الورقه فسالتني هذا عنوانه انا ايه هذا هو .. وانا ما ادري هههه

وكتبته بورقه عندها.. وقالت مين بيجي ياخذك ووين بتسكن ،، فقلتلها خويي برى مفروض يستناني وبسكن عنده هاليومين
وانا ابي الامور تمشي بسسس


واكثر شي هي استغربت منه ؟ قالتلي كم بتعطيه فلووووس << نظره ماديه للامور ،، فقلتها ماراح اعطيه ؟
فستغرررربت كثير ، يعني وش الي يخليه يقدملك كل هالاشياء بدون فلوس !

عندنا مشاعر وحب واهم شي الفزعه هههههه

مادرت اني جايبله حبق يوم لزمت عليه وقلتله وش تبي .. ياحبيله بس ياناس

وسالت عن الفلوس كيف بتصرف ، فقلتلها عندي مبلغ مره كويس + اعتماد مالي من حساب الوالد الله يخليه

سالتني عن اشياء كثيره قالت هي معك ؟ فقلت لها لاااا
الا الادويه ههههه

وراحت جوا ورجعت منقلب وجهها شوي هههه قالت انا مصدقتك بس ما ودنا نفتح الا الشنطه الكبيره شوي

الظاهر شافوا الكراتين واجده وخايفين ههههه

فتحتها ،، الكرتون الاول كريمات الثاني عطوور والثالث عطوور والكرتون الرابع كان جل ومدري وشو <<< حرمه وشافت هالامور خقت ههههه ،، الزبده انها ارتاحت وصكرت الشنطه ومابقى الا اخر كيس هو الي فيه البهارات والحبق والخرابيط الي يمكن يصير فيها شوية اشكال هههه الحمدلله (على فكرة حتى مكعبات الماجي ياخذونها على كلام واحد من العيال *)

قالتلي اول مره يصير معك كذا . قلتلها يسسسسسسسسسسسس << وبقوه بعد

قالتلي تقدر تمشي ... حبيت ذيك الانسانه لانه حسيت كانت حاسه بوضعي وبنفس الوقت ماكنت تدقق ابد وكانت هي تجاوب اغلب الاسئلة هههههه

انفتح باب الغرفه وياللللللللللللله اخيرااااااااااااااااااااااااااااااااااااااا

صرت مع كل المسافرين وكان شي لم يكن !

بس هنا ما ادري وش اسوي !!!!!!!!!!!! ضايع ضايع ضايع . لاجوال يدق ولا احد يستناك !!

فيه خدمة كثير حلوه في مطاراتهم ،، فيه مكتب يساعدك بالي تبيه وتقدر تكلم اي جوال كندي مجااااااااااااااااني !!

والله واستلم جوال خويي ههههههههههههه عيا يرد !

واشتري بطاقة مكالمات من عندهم ال10 دولار بي 12 دولار تقريبا ! بعد الضريبه وعرفت ان ضريبتهم صلخخخخخخخخخ

والله وادق على السعوديه وكان الوقت متاخر ويرد علي واحد من العيال قلت دق على خويي الي هنا في كندا

الظاهر ما يرد على الارقام الغريبه !!!

دق بس للاسف ما رد عليه.


اصبحت الساعه 5 ونص العصر !!!


تعب الانتظار وتعب الرحله الشاقه . وهانا في فنكوفر ومني عارف اطلع من المطار !

قلت خلاص ،، مالها داعي الحين يهونون ويقلون لي ارجع لديرتك << خخخخخخخخخ

واروح لنفس المكتب حقت المساعده ،، وقلتله احجزلي فندق

والحمدلله لقيت فندق جنب المطار بي 114 دولار

طلعت برى المطار ،، والباص لعله تاخر علي وغالبا السعوديين يلقون مشكله بالباصات لاننا ما تعودنا الا بالحرم ويالله يالله

ركبت بعد انتظار ،، واركب الحالي ،، مع السواق ،، وهنا انا يوم شفت الطبيعه والجو الجمييييييييييييييييل جدا


شعرت بسعادة انجاز ، وحلم ، وبديت اسولف مع السواق .... وعطاني معلومات كثير مهمه اساسيه لكن قد تهمني اكثر لانها حول جغرافية الفندق والمواصلات هناك .


واسلم على الرسبشن ،، وسوالف انا واياه ويقولي انه اخوه بالسعوديه يشتغل ،، من اصل هندي ، واستغرب لان الغرفه يبغالها تامين فما عندي كندي يكفي .. فعطيته يورو .


( على فكرة صرفت انا بالمطار ، الكندي بحدود ال 4 ريال سعودي !!!!!!!!! وكذب علي سالفة الفائدة وتكرار الصرف ،، الزبده لاحد يصرف في المطار ابد )

الغرفه كانت عاديه نوعا ما ،، ودقيت الرسبشن بعد ما شفت ان شنطتي يبغالها تكيه للترتيبها مره ثانيه .

فقلتله بكلم جوال كندي قالي فررررري !

دقيت على خويي ويرد هههههههههههههههههههههه بدري

سواليف وضحك وعلمته اني وصلت ،، قالي لازم نجيك يابوي انا بعيد خلني اخذ القطار وجيتكم لي بالسياره مره مكلفه

فقالي لازم قلت يالله ..


(( المره الجايه نسولفلكم عن فنكوفر نفسها )) ^_^


تحياتي

رد مع اقتباس
  #10  
قديم 11-19-2015, 08:27 PM
فاطمة
فاطمة غير متصل
مشرفة بوابة المغرب
 
معلومات العضو
التسجيل: Mar 2015
العضوية: 96454
المشاركات: 8,430 [+]
بمعدل : 4.02 يوميا
اخر زياره : [+]
افتراضي

يعطيك العافية

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 08:07 PM.


بدعم من vBulletin
الحقوق محفوظة لـ ©2000 - 2020، Jelsoft Enterprises Ltd


Search Engine Friendly URLs by vBSEO 3.6.1