العودة   منتدى العرب المسافرون الحقيقي > بوابات السفر الى دول أوروبا > بوابة السفر إلى تركيا Turkey


إضافة رد
 
أدوات الموضوع انواع عرض الموضوع
  #1  
قديم 07-12-2017, 06:59 PM
suma_yaaz
suma_yaaz غير متصل
عضو
مسافر جديد
 
معلومات العضو
التسجيل: Jul 2017
العضوية: 112641
المشاركات: 41 [+]
بمعدل : 0.03 يوميا
اخر زياره : [+]
الجنس : 553697794
افتراضي نصائح لمن يود السفر الى اسطنبول



السلام عليكم ورحمة الله وبركاته
اخيراً قررت اسجل بهذا المنتدى اللي استفدت منه الكثير وجا دوري اقدم المعلومات اللي عندي لعلي افيد فيها احد..
طبعاً كلنا راح نصرف مبلغ وقدره على هالسفره، وودنا كلنا اننا نحلل هالفلوس اللي انصرفت صح ولالا ؟
من خلال رحلاتي المتكرره لاسطنبول اكتسبت القليل من الخبره والمعلومات اللي ممكن قليل تكلموا عنها ،
راح اتكلم اليوم عن اشياء كنت اتمنى اني اعرفها قبل لا اسافر سفرتي الاولى لاسطنبول، لانها كانت رحله شِبه غير موفقه ..




في ترتيبي لاول سفره لاسطنبول سمعت وقريت كثييير ان اسطنبول منطقه غير امنه وقريت عن السرقات الكثيره والاشكال الغير مريحه مما جعلنا نمشي ونحن قلقين ..
رحت 6 مرات لاسطنبول و لم نتعرض لأي سرقه الحمدلله لكن مره صار لنا موقف اتوقع اننا كنا راح ننسرق فيه ، وكان في السلطان احمد في الليل ( هي المره الوحيده اللي طلعنا فيها بالسلطان احمد بالليل ولن تتكرر )
منطقة السلطان احمد ، وامينونو (اللي فيها السوق المصري) وتقسيم.. مناطق جميله لكن تجنبوا زيارتها ليلاً و حاولوا انكم ما تلبسون ماركات ابد ، وانتبهوا لشناطكم ولا تاخذون معاكم مبالغ كبيره.
اما بالنسبه للشحاذين فهم كثير خصوصاً في الصيف.. يتواجدون في السلطان احمد، امينونو، تقسيم، نيشانتشي.. واذا تبون تتخلصون منهم افضل طريقه للتعامل معهم هي انكم ما تناظرونهم ولا تردون بأي كلمه (ماعندي.. الله يعطيك الخ )، وحطوا ببالكم الايه الكريمه ( وأما السائل فلا تنهر) ، على فكره ترا مو كلهم متسولين، بعضهم يتمنون اللقمه بس ، مره فيه شحاذ سوري بنيشانتشي شافنا متوجهين لمطعم قال اذا فيه شي زايد لا تكبونه جيبوا لي اياه

المختصر: ان الكلام الكثير اللي عن اسطنبول من وجهة نظري مبالغ فيه. واذا تجنبت الاماكن اللي ذكرتها بالليل فأنتم بالسليم باذن الله.

ثانياً بالنسبة لنفسية الاتراك..
اغلب النفسيات هم التكاسي، خصوصاً وقت الصيف مع الحر والزحمه اخلاقهم بالحضيض تصير.
لا تستغرب انه يصرخ عليك اذا كاسرته، او نبهته ان هذا الطريق طويل خلنا نروح لطريق اقصر، او انك تطلب منه انه يشغل المكيف !
وطبعاً ما نعمم، فيه المحترمين والنظيفين وسياراتهم زينه
النفسيات الثانيه اصحاب المحلات الشعبيه في البازارات، اذا كاسرتهم خصوصاً.
لكن في المناطق الاخرى ماتشوف هالنفسيات ابداً ! يعني ما اذكر اني شفت نفسيات في مناطق غير امينونو والسلطان احمد ابداً بالعكس بعضهم يحرجك باخلاقه !
وعموماً لا تخلي هالاشياء تنغص عليك وناستك ، عادي كأنه ماصار شي خخخ.

ثالثاً: زحمة الشوارع في اسطنبول
اغلب السياح ما يتضايقون من هالنقطه لان اغلب الاماكن السياحيه جنب بعض
لكن في حال انت ساكن في ليفينت او اورتاكوي وبتروح لمكان بعيد مثل (مجمع فلوريا او مصنع الشوكولاته او ميني ترك ) فأوقات الزحمه هي من 2 الظهر الى 7 بالليل ، يعني حاول توقّت طلعتك قبل الزحمه والرجعه بعد الزحمه.

واسطنبول مدينه مناسبه لاجواء بعض الخليجيين اللي يحبون يطلعون متأخر ويرجعون متأخر لان اسواقها تفتح من 10 الصباح الى 10 مساءً .. ومطاعمها مستمره الى 12 بالليل او اكثر على حسب المطعم.


رابعاً : الاسعار و التاكس
التاكس 8% ، فيه ناس ياخذون التاكس بالمطار وفيه ناس يشوفون انه مايسوى.. انا بالنسبه لي اذا شريت شي غالي اخذت التاكس اما اذا كانت مشترياتي عاديه لا .. يعني مثلاً اذا باقي وقت قليل على رحلتك لا تفكر تاخذ التاكس .
اما بالنسبه للاسعار فهي مناسبه جداً من جميع النواحي (ملابس،مكياج،الماركات،اثاث،مواعين، مفارش... الخ)، يعني حرفياً انا صرت ما اشتري من السعوديه شي الا بوقت التخفيضات، لان فرق الاسعار مهول لذلك اخلي التسوق من اسطنبول ، هي بضاعه احلى وهي ارخص بنفس الوقت..



خامساً : الشرايح ..
بالنسبه لي ولعايلتي كلنا نطلع لنا شرايح من turkcell ، هي الافضل تقريباً لان شبكتها قويه في كل مكان حتى في الجبال.. اتذكر مره كنا رايحين جبل اولداغ في بورصه وركبنا تلفريكين عشان نوصل له او ثلاث تلفريكات نسيت والله ، المهم جوال السواق من شركة اتصالات ثانيه انقطعت منه الشبكه من بدري اما حنا ما انقطعت ابد وبالعكس كانت الشبكه قويه بعد.
نشتري الشريحه تقريباً ب 100 ليره ونشحنها مكالمات ونت ، 1 جيجا ب10 ليره وارى ان السعر مناسب جداً.

سادساً: المطاعم:
نصيحه لا تاكلون بأي مطعم على ابو انه ع الطريق وانكم ماتبون تضيعون وقت تروحون للمطعم الفلاني، بالنسبه لي جربت كم مره مطعم مو معروف وكان الاكل الله يزيد شكر النعمه. وقعدت كم يوم جوعانه الين ما استوعبت اني لازم اكل بالمطاعم اللي صدق عليها مدح.
لان المطاعم هذي اللي مو معروفه مو بس اكلها مو لذيذ، قد يلعبون عليك بالفاتوره بعد وتلقى ناس ماتقدر تتفاهم معهم.
راح انزل ان شاءالله موضوع متكامل عن مطاعم تركيا.

سابعاً: السكن :
السلطان احمد/ ميزته ان جنبك البازارات وقصر توب كابي و ايا صوفيا ومسجد السلطان احمد والترام اللي يوديك لامينونو، يعني تعيش جو شعبي بحت جميل بعيد عن الحياه المدنيه اللي متعودين عليها.
والجانب السلبي فيه ان المطاعم اللي هناك مو لذيذه، خطره بالليل، زحمه بالنهار، والتكاسي اللي بهالمنطقه ما اعمم لكن واجد منهم ينصبون ونفسياتهم شينه.

أما اورتاكوي للسكن ميزتها انك جنب المطاعم الشهيره واللذيذه، مطل جميل ومو خطره بالليل لان كثير ناس فيها
سلبياتها: انها منطقه مزعجه شوي للي مايحب الازعاج، يعني سيارات واغاني وبارات الى الفجر.

منطقة (ليفينت levent ) هاديه وراقيه ومكانها استراتيجي، يعني كل شي قريب منها، قريب منها اشهر المولات كانيون واسيتينا بارك وزورلو سنتر ونيشانتشي، حتى منطقة السلطان احمد واورتاكوي ماتعتبر بعيده.
سلبياتها: يمكن البعض يحس انها ممله
السكن في نيشانتشي جيد للي يبون يجهزون لبنتهم او يبون فساتين زواج و و .. لان نيشانتشي مليانه محلات فساتين سهره وخياطين، يعني ما يكفيها يوم ويمكن مايكفيها يومين ! وغير كذا عندكم خيارات جميله من المطاعم والكافيهات..
سلبياتها: قد يزعجك منظر الشحاذين بالقرب من مكان سكنك.
تقسيم: ماجربتها صراحه لكني ما افضل ذيك المنطقه خصوصاً اذا كنتوا شباب لحالكم.
واخيراً: تجنباً للتجارب السيئه، احجز بفندق اسمه معروف او احد مادحه لك عن تجربه. واقرا تعليقات الناس اذا كان الموقع يعرض لك التعليقات. وبالنسبه لي، ما احجز بفندق الا لما اشوف تعليقات مدح من (الخليجيين او العرب) لان الاجانب مقاييسهم غير عن مقاييسنا.


ثامناً: المواصلات:
من تجربتي، جربت الميترو وجربت التاكسي وجربت سواق خاص.

بالنسبه للمترو: انا كنت ماخذته عشان اروح لمكان بعيد فكان لازم كل شوي نغير الميترو، وهذا بالنسبه لي مزعج، ولسوء الحظ جربته بالويكند فكان زحمه قاتله. تجربتي مو مقياس.. يعني اتوقع لو اركبها بايام وسط الاسبوع باوقات اغلب الناس يكونون فيها بدواماتهم بتكون وسيله مريحه.

بالنسبه للتاكسي: اول مره جينا فيها اسطنبول وشفنا نفسيات سواقين التاكسي كان شي مزعج و ينغّص علينا وناستنا، لكن عادي تعودنا عليهم و بالعكس صرنا نضحك.
ملاحظه: سياراتهم مره صغيره يعني ثلاثه ورا ونكون متراصصين، فإذا عددكم اكثر من 4 لا تفكرون تركبون تاكسي أجروا لكم سياره كبيره او سياره بسواق خاص

السواق الخاص: وسيله مريحه جداً وممتعه بما ان السياره واسعه والسواق ينتظرك وتقدر تترك فيها اغراضك. لكن انتبه للاسعار، اذكر فيه وحده من قرايبنا كانت مأجره سياره بسواق خاص ب3000 ريال باليوم !!! انا بالنسبه لي ما ادفع اكثر من 200 دولار باليوم. فلذلك انتبهوا لهذي النقطه.
سلبياتها: انت وحظك يمكن يجيك سواق يبي يمشيكم على كيفه، يعني مثلاً تقول له ابي اروح القسم الاسيوي يقولك اووه الجسر الحين زحمه ماراح توصل الا بعد ساعتين، او مثلاً تقول له ابي اروح زورلو سنتر ، يقولك عندي لك سوق احسن منه و و و ، ما عليك منه اصر على رأيك.. أو اعطوه الاماكن اللي مخططين انكم تروحون لها هذا اليوم وهو يرتبها لكم حسب الاقرب واوقات الزحمه.

اوبر: انا ماجربتها لكنها وسيله غير قانونيه بتركيا ومع هذا البعض يستخدمها، اللي اعرفه ان سياراتهم قليله يعني ممكن تنتظر وقت على ما يجيك.

ترام: طبعاً هو فقط في الاماكن الشعبيه، فإذا كنتوا مثلاً بالسلطان احمد وتبون تروحون لامينونو (اللي فيه السوق المصري) انصحكم تركبونه حتى لو كان زحمه، لانه يختصر وقت وارخص بكثير من التاكسي.


تاسعاً: شلون ماتضيع وقتك وفلوسك؟
عشان ماتضيع وقتك وفلوسك، شوف موقع الاماكن السياحيه على الخريطه، الاماكن القريبه من بعضها خلها بنفس اليوم،
مثال/ عندك يومين تبي تروح فيها مجمع فلوريا ومطعم شازلي واورتاكوي ونيشانتشي ومطعم حوقا .
اورتاكوي ومطعم حوقا يقعان على البسفور. وفلوريا وشازلي غرب الجزء الاوروبي من اسطنبول، يعني يبعد عن البسفور تقريباً 12 كيلو ، قد تراها قليله لكن مع شوارع اسطنبول وزحمتها تعتبر بعيده.
كيف تخلي مسارك؟
بدال ما تروح اورتاكوي بعدين تطق مشوار 40 دقيقه اذا مو اكثر وتدفع 60 او 100 ليره للتاكسي عشان تروح لمطعم شازلي، بعدين ترجع 40 دقيقه لنيشانتشي.. الخ
خل اورتاكوي ومطعم حوقا ونيشانتشي بيوم واحد بما انهم جنب بعض، وخل يوم كامل لمجمع فلوريا ومطعم شازلي.
اتمنى وصلت الفكره.


عاشراً: متى تسافر لاسطنبول؟
انا رحت اسطنبول في جون كانت شمسهم حاره والجو صحو، يعني كنا نطلع الصبح نرجع الظهر للفندق نتروش ونطلع مره ثانيه، بس في الليل الجو حلو.
ورحت في جولاي السنه اللي بعدها كانت كل الايام غيم فالحمدلله الهوا كان عليل ( يعني على حظك اذا كان غيم فالجو راح يكون حلو اما اذا كان صحو فراح يكون حر)
رحت شهر جانوري وكان برررد برد ونزل اخر يوم ثلج علينا والحمدلله انه ما نزل علينا كل الايام لانه مزعج صراحه .
رحت شهر مارتش الجو بارد بس حلو والسوق تخفيضات ونفسيات الناس شزينها.
رحت شهر نوفمبر كان خريف والحدايق هالوقت الوانها تجنن والجو بارد بس منعش.
رحت شهر ابريل الجو خيااااالي والتوليب في كل مكان والحدايق مزينينها ومتفننين فيها بالتوليب.

فهذي نصيحه من القلب اذا تقدر تسافر اسطنبول بوقت غير الصيف لا ترووح بالصيف.
باختصار: اسطنبول بالصيف حاره، سياح واجد، زحمه، شحاذين اكثر، الاماكن السياحيه على طول مزدحمه، الناس ضايقه اخلاقها من الحر والزحمه.
اما بالبراد فاسطنبول راائعه متجمله بالغيم، سياح اقل، شحاذين اقل، زحمه اخف، الاماكن السياحيه غير مزدحمه.
طيب اذا ما تقدر تروح اسطنبول الا بالصيف شتسوي؟
اذا كانت الشمس حاره، الظهر خله للاماكن المغلقه مثل المجمعات.. والمسا خله للاماكن المفتوحه.
او اطلعوا الصبح بدري، وارجعوا الفندق الظهر ريحوا الين العصر واطلعوا كملوا جولتكم.
وبالنسبه للاماكن السياحيه مثل توب كابي ودولمه بهجه روحوا الصبح بدري زحمه اقل وابرد لكم.

نصيحه رقم 11:
لا تسمع من طرف واحد، اقرا ثم اقرا ثم اقرا

نصيحه 12:
عند سفرك لأي مدينه او اي دوله اكتب في محرك البحث (نصائح عند السفر الى المدينه الفلانيه) صدقوني راح تختصرون على نفسكم كثييييير


وانتهى موضوعنا
أتمنى افدتكم ولو بالشي البسيط.
دعواتكم ..



مواضيع من نفس القسم:

آخر تعديل بواسطة suma_yaaz ، 07-12-2017 الساعة 07:20 PM
رد مع اقتباس


  #2  
قديم 07-13-2017, 11:18 AM
فاطمة
فاطمة غير متصل
مشرفة بوابة المغرب
 
معلومات العضو
التسجيل: Mar 2015
العضوية: 96454
المشاركات: 8,430 [+]
بمعدل : 4.02 يوميا
اخر زياره : [+]
افتراضي

ما شاء الله معلومات مفيدة جداا


بارك الله فيك وجزاك الجنة

تحياااتي

رد مع اقتباس
  #3  
قديم 07-13-2017, 12:10 PM
اطياف راحله
اطياف راحله غير متصل
عضو
مسافر متميز
 
معلومات العضو
التسجيل: Mar 2017
العضوية: 110699
المشاركات: 219 [+]
بمعدل : 0.16 يوميا
اخر زياره : [+]
الجنس: انثى
افتراضي

شكرا على المعلومات القيمة


رد مع اقتباس
  #4  
قديم 07-19-2017, 01:48 AM
Abu sultan99
Abu sultan99 غير متصل
عضو
 
معلومات العضو
التسجيل: Jun 2016
العضوية: 105923
المشاركات: 1 [+]
بمعدل : 0.00 يوميا
اخر زياره : [+]
افتراضي

بيض الله وجهك معلومات قيمة شكرا لك

رد مع اقتباس
  #5  
قديم 07-22-2017, 06:15 PM
suma_yaaz
suma_yaaz غير متصل
عضو
مسافر جديد
 
معلومات العضو
التسجيل: Jul 2017
العضوية: 112641
المشاركات: 41 [+]
بمعدل : 0.03 يوميا
اخر زياره : [+]
الجنس : 553697794
افتراضي

اقتباس:
المشاركة الأصلية كتبت بواسطة فاطمة مشاهدة المشاركة
ما شاء الله معلومات مفيدة جداا


بارك الله فيك وجزاك الجنة

تحياااتي


الله يجزانا الجنه جميعا

رد مع اقتباس
  #6  
قديم 07-22-2017, 06:16 PM
suma_yaaz
suma_yaaz غير متصل
عضو
مسافر جديد
 
معلومات العضو
التسجيل: Jul 2017
العضوية: 112641
المشاركات: 41 [+]
بمعدل : 0.03 يوميا
اخر زياره : [+]
الجنس : 553697794
افتراضي

اقتباس:
المشاركة الأصلية كتبت بواسطة اطياف راحله مشاهدة المشاركة
شكرا على المعلومات القيمة
العفو

رد مع اقتباس
  #7  
قديم 07-22-2017, 06:16 PM
suma_yaaz
suma_yaaz غير متصل
عضو
مسافر جديد
 
معلومات العضو
التسجيل: Jul 2017
العضوية: 112641
المشاركات: 41 [+]
بمعدل : 0.03 يوميا
اخر زياره : [+]
الجنس : 553697794
افتراضي

اقتباس:
المشاركة الأصلية كتبت بواسطة Abu sultan99 مشاهدة المشاركة
بيض الله وجهك معلومات قيمة شكرا لك
عفوا لك

رد مع اقتباس
  #8  
قديم 07-26-2017, 11:00 AM
انغام
انغام غير متصل
عضو
مسافر جديد
 
معلومات العضو
التسجيل: Jul 2017
العضوية: 112944
المشاركات: 10 [+]
بمعدل : 0.01 يوميا
اخر زياره : [+]
افتراضي

وش ترشحون فندق كويس وقريب من المولات واماكن التمشيه انا بسافر بعد عشرين يوم وماحجزنا سكن مانعرف الفنادق الحلوه والقريبه من كل شي

رد مع اقتباس
  #9  
قديم 07-26-2017, 06:32 PM
المكي
المكي غير متصل
عضو
 
معلومات العضو
التسجيل: Feb 2015
العضوية: 79297
المشاركات: 4 [+]
بمعدل : 0.00 يوميا
اخر زياره : [+]
افتراضي

نصائح قيمة جدا واستفدت منها
شكرا لك

رد مع اقتباس
  #10  
قديم 07-27-2017, 01:17 AM
suma_yaaz
suma_yaaz غير متصل
عضو
مسافر جديد
 
معلومات العضو
التسجيل: Jul 2017
العضوية: 112641
المشاركات: 41 [+]
بمعدل : 0.03 يوميا
اخر زياره : [+]
الجنس : 553697794
افتراضي

اقتباس:
المشاركة الأصلية كتبت بواسطة انغام مشاهدة المشاركة
وش ترشحون فندق كويس وقريب من المولات واماكن التمشيه انا بسافر بعد عشرين يوم وماحجزنا سكن مانعرف الفنادق الحلوه والقريبه من كل شي

بصراحه ما اقدر ارشح لك فندق معين لان انا عندي شقه هناك وكل ما رحت اسطنبول نزلت فيها.
فلذلك اقدر اعلمك كل منطقه ووش فيها ووش اجوائها..
ونصحتكم بالفنادق العالميه.



instagram: suma_yaaz
رد مع اقتباس
إضافة رد

الكلمات الدلالية (Tags)
اسطنبول،مطاعم،سكن،نصائح

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

مواقع صديقة :

سفاري للسفر و السياحة



جميع الأوقات بتوقيت GMT +3. الساعة الآن 08:02 PM.


بدعم من vBulletin
الحقوق محفوظة لـ ©2000 - 2020، Jelsoft Enterprises Ltd


Search Engine Friendly URLs by vBSEO 3.6.1